មនុស្សស្រីរវល់តែចង់បានស្បែកនៅតែក្មេង គួររក្សាតម្លាប់៣យ៉ាងនេះ

2021-08-03 07:50:00
ចំនួនមតិ 0 | ចំនួនចែករំលែក 0

សម្រាប់នារីៗដែលមានការរវល់ គ្មានពេលថែទាំស្បែក គួរអនុវត្តនូវវិធីខាងក្រោមនេះ៖

១. ផឹកទឹកឲ្យបានគ្រប់២លីត្រក្នុងមួយថ្ងៃ និងពេលក្រោកពីគេងរាល់ព្រឹក ត្រូវផឹកទឹកក្តៅឧណ្ឌៗ

ក្នុងរដូវក្តៅ បើអ្នកចង់បានស្បែកទន់ មានពន្លឺ មានស្នាមជ្រួញតិច គឺត្រូវផឹកទឹកពី 1.5 លីត្រទៅ 2លីត្រក្នុងមួយថ្ងៃ ដើម្បីបន្សាបជាតិពុល និងផ្តល់សារជាតិរ៉ែចាំបាច់ដល់រាងកាយ។ ដូច្នេះហើយ វិធីល្អបំផុតកុំឲ្យស្បែកឆាប់ជ្រួញ គួរតែផឹកទឹកឲ្យបានគ្រប់គ្រាន់ ដើម្បីបង្កើនសំណើមនិងជួយឲ្យស្បែកភ្លឺថ្លា ទន់ក្មេងជាងវ័យ។ លើសពីនេះ អ្នកគួររក្សាទម្លាប់ផឹកទឹកក្តៅឧណ្ឌៗមួយកែវនៅពេលក្រោកពីគេងពេលព្រឹក។

២. លាបឡេការពារកម្តៅថ្ងៃឲ្យបានទៀងទាត់

ពន្លឺព្រះអាទិត្យផ្ទុកដោយកាំរស្មី UV ដែលអ្នកត្រូវលាបឡេការពារកម្តៅថ្ងៃឲ្យបានទៀងទាត់ ដើម្បីការពារស្បែករបស់អ្នក។ ម្យ៉ាងទៀត អ្នកគួរទម្លាប់លាបឡេការពារកម្តៅថ្ងៃឲ្យទៀងទាត់មិនថាតែរដូវក្តៅ ឬរដូវរងា គ្មានពន្លឺព្រះអាទិត្យនោះទេ។ អ្នកគួរលាប៣០នាទី មុនពេលចេញក្រៅ ដើម្បីស្បែកមានលទ្ធភាពការពារបានពីពន្លឺព្រះអាទិត្យ ដែលធ្វើឲ្យជ្រួញលឿន។

៣. លាងសម្អាតផ្ទៃមុខឲ្យស្អាត មុនចូលគេង

ស្បែកដែលចាត់ទុកថាមានសុខភាពល្អ ត្រូវចាប់ផ្តើមពីស្បែកដែលមានការលាងសម្អាតបានស្អាតត្រឹមត្រូវ។ ហេតុនេះ មិនថារវល់យ៉ាងណា អ្នកត្រូវតែលុបគ្រឿងសម្អាងចោល ហើយប្រើហ្វូមលាងសម្អាតផ្ទៃមុខឲ្យជ្រះស្អាត។