ផ្អើលទាំងយប់ ប៉ូលិសក្រុងប៉េកាំងចេញដីការចាប់ខ្លួន Wu Yifan

2021-08-02 04:00:00
ចំនួនមតិ 0 | ចំនួនចែករំលែក 0

នៅក្នុងដីការចាប់ខ្លួនតារាសម្ដែងល្បីឈ្មោះចិន Wu Yifan បានសរសេរយ៉ាងច្បាស់ៗថា៖ ចាប់ខ្លួនលោក Wu Yifan សញ្ជាតិកាណាដា ដោយមានពាក់ព័ន្ធនឹងករណីរួមភេទជាមួយក្មេងមិនទាន់គ្រប់អាយុ។

កាលពីយប់ថ្ងៃទី ៣១ ខែកក្កដាកន្លងទៅនេះ បណ្ដាញព័ត៌មាន Sina បានធ្វើឲ្យមនុស្សជាច្រើនភ្ញាក់ផ្អើលនៅពេលរាយការណ៍ថា ប៉ូលិសខណ្ឌ Chao Yang ទីក្រុងប៉េកាំង ប្រទេសចិនបានចេញដីការចាប់ខ្លួនតារាសម្ដែង និងចម្រៀងល្បីឈ្មោះ Wu Yifan ជាផ្លូវការ។ នៅក្នុងដីការខាងលើ ប៉ូលិសបានចារច្បាស់ៗថា ប្រុសស្អាតអាយុ ៣១ឆ្នាំ មានពាក់ព័ន្ធនឹងនឹងករណីរួមភេទជាមួយក្មេងស្រីមិនទាន់គ្រប់អាយុ ពោលគឺក្រោម១៨ឆ្នាំ។

ប៉ូលិសបានបន្ថែមឲ្យដឹងថា កិច្ចការនឹងត្រូវបានស៊ើបជាបន្តបន្ទាប់ ក្រោយពេលចាប់ខ្លួនសិល្បករខាងលើ។ មុននោះដែរ នៅលើបណ្ដាញសង្គម Wu Yifan បានបដិសេធការចោទប្រកាន់របស់អតីតមិត្តស្រីហើយ ឲ្យដឹងថាលោកនឹងចូលគុកដោយខ្លួនឯងប្រសិនបើខ្លួនមានប្រព្រឹត្តបទល្មើសគេងជាមួយក្មេងមិនទាន់គ្រប់អាយុពិតប្រាកដមែន៕