បង្ហើបគន្លឹះ ៣ យ៉ាង ងាយយកបានចង្កេះអង្ក្រងលឿនដូចចិត្ត
- 2021-08-01 22:07:00
- ចំនួនមតិ 0 | ចំនួនចែករំលែក 0
បង្ហើបគន្លឹះ ៣ យ៉ាង ងាយយកបានចង្កេះអង្ក្រងលឿនដូចចិត្ត
មនុស្សជាច្រើនបានដាក់សំនួរថា បើចង់បានចង្កេះអង្ក្រងឆាប់រហ័ស តើគួរធ្វើយ៉ាងណា? តាមពិតលើលោកនេះគ្មានអ្វីដែលមិនអាចទៅរួចទេ។ ថ្ងៃនេះ កញ្ញា នឹងបង្ហាញអ្នកពីរបៀបយកចង្កេះអង្ក្រងបានលឿនទាន់ចិត្ត។ ខាងក្រោមនេះជាតិចនិក៖
**១. ផ្លាស់ប្ដូរទម្លាប់លើរបបអាហារ**
រឿងដំបូងដែលធ្វើឲ្យចង្កេះប្រែជាតូចស្អាត គឺអ្នកត្រូវលៃលកទម្លាប់នៃការញ៉ាំលើរបបអាហាររបស់អ្នក។ សូមជ្រើសរើសតែអាហារណាដែលផ្ដល់សុខភាព គ្មានជាតិខ្លាញ់ មិនមែនចៀនបំពងជាដើម។ អ្នកគួរទទួលទានអាហារប្រភេទចំហុយ សម្ល ដែលល្អចំពោះអ្នក។ កុំផឹកទឹកដែលមានសារជាតិកាបូណាត នីត្រាត ព្រោះធ្វើឲ្យឆាប់ធាត់ រួមទាំងកុំចូលគេងយឺតម៉ោង។
២. ធ្វើលំហាត់ប្រាណ
ជាការពិត ការធ្វើលំហាត់ប្រាណបានត្រឹមត្រូវនឹងជួយឲ្យចង្កេះតូចដូចក្ដីប្រាថ្នា។ លំហាត់ប្រាណអ្នកអាចអនុវត្តតាមវីដេអូណែនាំនេះ៖
វិធីសាស្ត្រនេះនឹងជួយឲ្យចង្កេះអ្នកតូចបានលឿនរហ័ស បើអ្នកអនុវត្តជាប្រចាំថ្ងៃ។ ត្រឹមរយៈពេលមួយសប្ដាហ៍ អ្នកនឹងភ្ញាក់ផ្អើលមិនខាន។
៣. ជ្រើសរើសរបៀបស្លៀកពាក់
វិធីចុងក្រោយ គឺត្រូវជ្រើសរើសខោអាវណាដែលមិនរលុងខ្លាំង តែរឹបរាង ឬមានរាងត្រង់កន្លែងខ្នងនិងចង្កេះ ដើម្បីពេលស្លៀកពាក់ទៅឃើញរាងចង្កេះអ្នកតូច។ អ្នកគួរជ្រើសសំពត់ខ្លី ឬខោខូវប៊យចង្កេះខ្ពស់ហើយតឺនុយជាមួយអាវ នោះនឹងជួយឲ្យមើលទៅឃើញចង្កេះអ្នកតូចមួយក្តាប់មិនខាន។
វិធីសាស្រ្ត៣យ៉ាងនេះ នឹងបង្កើនទំនុកចិត្តដល់អ្នក។ មិនលើសពី១ខែ អ្នកនឹងមានអារម្មណ៍ថាប្លែកលើផ្នែកចង្កេះរបស់អ្នក បើអនុវត្តរាល់ថ្ងៃ៕
ចុចអាន៖ កំពូលអាហារ១០មុខ ជួយសម្រស់អ្នកឲ្យក្មេងជាងវ័យជារៀងរហូត