ស្បែកមិនខ្មៅស្រអាប់ តែសរលោងដូចពងមាន់បកពីខាងក្នុង ដោយរូបមន្តងាយៗ
- 2021-07-31 22:36:00
- ចំនួនមតិ 0 | ចំនួនចែករំលែក 0
ស្បែកមិនខ្មៅស្រអាប់ តែសរលោងដូចពងមាន់បកពីខាងក្នុង ដោយរូបមន្តងាយៗ
ប្រសិនបើស្បែករបស់មិត្តនារី កំពុងមានភាពខ្មៅស្រអាប់ ហើយចង់ឲ្យស្បែកប្រែជាសភ្លឺថ្លាវិញ គប្បីអនុវត្តតាមវិធីខាងក្រោមនេះ។
១. លាបឡេការពារកម្តៅថ្ងៃលើរាងកាយ
មិត្តនារីជាច្រើនយល់ថា ការលាបឡេការពារកម្តៅថ្ងៃលើរាងកាយ គឺមិនចាំបាច់ឡើយ តែតាមពិតទៅនេះគឺជាការយល់ខុស។ ឡេការពារកម្តៅថ្ងៃ នឹងជួយការពារពន្លឺ UVA ដែលធ្វើឲ្យស្បែករបស់អ្នកឆាប់ចាស់ និងស្រទាប់ UVB ដែលធ្វើឲ្យស្បែករបស់អ្នកខ្មៅស្រអាប់។ ម្ល៉ោះហើយ គួរលាបឡេការពារកម្តៅថ្ងៃឲ្យបានមុនចេញក្រៅ ប្រហែល ៣០នាទី ។
២. ឲ្យស្បែកបានទទួលសារធាតុបំប៉ន
នេះជាវិធីសាស្រ្តដែលមនុស្សស្រីជាច្រើនកំពុងប្រើ ដែលអ្នកអាចជ្រើសរើសផលិតផលណាដែលផ្ទុកវីតាមីន C គ្លុសតាទីនូស ដែលជួយឲ្យស្បែកភ្លឺថ្លាបាន ។
៣. ស្រ្កាប់
នេះជាវិធីមួយដែលជួយជម្រុះកោសិការចាស់ៗចោល ដើម្បីឲ្យស្បែកងាយស្រូបយកសារធាតុចិញ្ចឹមបានគ្រប់គ្រាន់។ អ្នកគួរអនុវត្តត្រឹម ១ -២ ដងក្នុងមួយសប្តាហ៍បានហើយ ដើម្បីចៀសវាងស្បែកប្រែជាប្រតិកម្ម។
៤. លាបឡេជារៀងរាល់ថ្ងៃ
ការលាបឡេ គឺជារឿងសំខាន់បំផុត ព្រោះក្រៅពីជួយឲ្យស្បែកមិនស្ងួតហើយ ក៏ជួយឲ្យស្បែកមានពន្លឺស្រស់ថ្លាផងដែរ។ ប្រសិនបើមិត្តនារីចង់បានស្បែកសដូចប្រាថ្នា គួរតែជ្រើសរើសឡេណាមានផ្ទុកវីតាមីន C ហើយគប្បីប្រើឲ្យបានទៀងទាត់ដើម្បីស្បែកកាន់តែភ្លឺថ្លាឡើងៗ។ ពិសេស គឺត្រូវលាបក្រោយងូតទឹករួចភ្លាមៗ ដើម្បីសារធាតុទាំងនោះជ្រាបចូលស្បែកបានល្អ។
ខាងក្រោមនេះ ជារូបមន្តធ្វើឲ្យស្បែកសលឿនដូចប្រាថ្នា
១. លាបឡេមានសារធាតុវីតាមីន C និង whitening រាល់ថ្ងៃ ពិសេសនៅពេលព្រឹកនិងល្ងាច ក្រោយងូតទឹករួចភ្លាមៗ។
២. ស្ក្រាប់ជាមួយអំពិលទុំ + ម្សៅល្មៀត + ទឹកដោះគោស្រស់ យកមកលាបស្បែកប្រហែល១៥នាទី ហើយអនុវត្តម្តងក្នុងមួយសប្តាហ៍។
៣. ញ៉ាំវីតាមីន C បន្ថែម អាចជាផ្លែឈើដូចជា ក្រូច ផ្លែគីវី ផ្លែបឺរី ឬថ្នាំគ្រាប់វីតាមីន C ដើម្បីបំប៉នស្បែក។