សន្លឹកបៀរដែលអ្នកជ្រើសរើស អាចឆ្លើយតបនឹងចម្ងល់ អ្នកទាក់ទងនឹងគូអនាគតអ្នកបាន៖

សន្លឹកបៀរទី ១

សន្លឹកបៀរមួយនេះបង្ហាញយ៉ាងច្បាស់ថា គេជាមនុស្សដែលទន់ភ្លន់ ហើយចិត្តល្អណាស់ជាមួយអ្នក តែចំពោះអ្នកដទៃវិញ មិនមែនសុទ្ធតែមានសំណាងអាចឃើញគេជាមនុស្សបែបនេះនោះទេ។ អ្នកអាចនឹងជាមនុស្សដែលមានចរិត ឬកពាខុសពីគេដូចមេឃ និង ដី ដែលអាចជួយបំពេញភាពខ្វះខាតរៀងៗខ្លួនយ៉ាងសក្តិសមបំផុត។ ជីវិតគ្រួសារអ្នកនឹងជួបរឿងសប្បាយច្រើនជាងទុក្ខ។ អ្នកដឹងថាគួរតែធ្វើយ៉ាងណាដើម្បីគ្រួសារអ្នកមានសុភមង្គល ហើយគេជាមនុស្សដែលមានការអត់ធ្មត់ខ្លាំង មិនថាមានរឿងអ្វីក៏អាចអភ័យទោលអោយអ្នកបានជានិច្ច។

សន្លឹកបៀរទី ២

មនុស្សដែលនឹងក្លាយជាគូអនាគតអ្នកអាចជាប្រភេទមនុស្សដែលធ្វើអ្នកញញឹមបានមិនថាមានរឿងអ្វីកើតឡើងនោះទេ ហើយក៏ជាមនុស្សម្នាក់ដែលអ្នកនឹកដល់មុនគេ មិនថាមានរឿងអ្វីនោះទេ ព្រោះពេលនៅក្បែរគេ អ្នកតែងតែមានអារម្មណ៏ថា ស្ងប់ចិត្តជាខ្លាំង។ រវាងអ្នកទាំងមិនអាចមានរឿងអ្វីលាក់បាំងគ្នាបាននោះទេ ព្រោះតែស្គាល់គ្នាច្បាស់ខ្លាំងពេក មិនចាំបាច់និយាយស្ដីក៏អាចដឹងបានថា ភាគីម្ខាងទៀតកំពុងតែគិតអ្វីបានដែរ។

សន្លឹកបៀរទី ៣

អ្នកប្រហែលជារៀបការជាមួយមនុស្សដែលមានអាយុច្រើនជាងអ្នកបន្តិច តែស្វែងយល់ចិត្តគ្នាបានល្អខ្លាំងណាស់ មិនខុសពីមនុស្សដែលមានអាយុស្របាលគ្នានោះទេ។ គេជាមនុស្សដែលចាស់ទុំ ដែលអាចមើលថែអ្នកបានយ៉ាងល្អ តែចំពោះរឿងស្នេហាវិញ គេអាចនឹងជាមនុស្សដែលហួងហែងច្រើនបន្តិច។

សន្លឹកបៀរទី ៤

គេអាចជាមនុស្សដែលមានភាពជោគជ័យក្នុងរឿងការងារជាខ្លាំង ដែលធ្វើអោយពេលខ្លះអាចភ្លេចគិតគូរពីរឿងស្នេហា និង គ្រួសារ។ តែមនុស្សប្រុសប្រភេទនេះ អាចអោយអ្នករស់នៅយ៉ាងសោយសុខ មិនត្រូវមកខ្វល់ខ្វាយរឿងលុយកាក់នោះទេ តែទាមទារអោយអ្នកដាស់តឿន និង ព្យាយាមខ្លាំងបន្តិចចំពោះរឿងគ្រួសារ។