ប្រុងប្រយ័ត្ន! បើមានអាការៈបែបនេះញឹកញាប់ បញ្ជាក់ថាអ្នកញ៉ាំអាហារផ្ទុកជាតិផ្អែមជ្រុលហើយ
- 2021-06-22 16:00:00
- ចំនួនមតិ 0 | ចំនួនចែករំលែក 0
ប្រុងប្រយ័ត្ន! បើមានអាការៈបែបនេះញឹកញាប់ បញ្ជាក់ថាអ្នកញ៉ាំអាហារផ្ទុកជាតិផ្អែមជ្រុលហើយ
ទាំងនេះសុទ្ធតែជាសញ្ញាបង្ហាញថា អ្នកទទួលទានអាហារមានជាតិផ្អែមលើសហើយ។
១. ឈឺសាច់ដុំ និងសន្លាក់
បរិភោគអាហារមានជាតិស្ករច្រើន បណ្តាលឲ្យកោសិកាប្រព័ន្ធភាពស៊ាំរលាក ធ្វើឲ្យប្រូតេអ៊ីនគ្លីសេរីនធ្លាក់ចុះផងដែរ។ តាមការសិក្សាក៏បង្ហាញថា វាអាចប៉ះពាល់ដល់ការកើតជំងឺរលាកសន្លាក់ ជំងឺភ្នែកឡើងបាយ ការចងចាំចុះខ្សោយ ព្រមទាំងស្បែកឆាប់ជ្រីវជ្រួញ។ បើអ្នកមានអារម្មណ៍ថា តាមសាច់ដុំនិងសន្លាក់អ្នកកំពុងរងការឈឺចុកចាប់ នោះជាសញ្ញាមួយហើយ។
២. តែងតែញៀននឹងអាហារមានជាតិផ្អែម
ជាការពិត អាហារមានជាតិផ្អែមតែងតែជួយដល់អារម្មណ៍ឲ្យល្អជាងមុន។ នៅពេលអ្នកញ៉ាំអាហារមានជាតិផ្អែម ប្រៀបដូចអ្នកកំពុងឲ្យរង្វាន់ដល់ខួរក្បាលរបស់អ្នកដូចគ្នា ដោយសារវាជួយឲ្យអ្នកស្រស់ស្រាយជាងមុន។ យ៉ាងណាក្តី ជាតិស្ករ មិនបានដើរតួនាទីល្អសម្រាប់រាងកាយទេ។ ហើយបើអ្នកតែងតែទ្រាំមិនបាន នៅពេលឃើញអាហារមានជាតិផ្អែមនៅតាមផ្លូវ នោះជាសញ្ញាព្រមានមួយហើយ។
៣. ឡើងមុនញឹកញាប់
ការកើនឡើងនៃអាំងស៊ុយលីន ព្រមទាំងជាតិខ្លាញ់ នឹងធ្វើឲ្យស្បែកឆាប់ឡើងមុន ព្រមទាំងមិនងាយជាបាត់។ នេះមានន័យថា ជាតិស្ករខ្ពស់ក្នុងអាហារ គឺជាផ្នែកមួយដែលបណ្តាលឲ្យមុខរបស់អ្នកឡើងមុនផងដែរ។
៤. ឡើងគីឡូ
កម្រិតជាតិស្ករខ្ពស់ពីការទទួលបានតាមរយៈអាហារ នឹងធ្វើឲ្យអាំងស៊ុយលីនកើនឡើង ហើយធ្វើឲ្យធាត់។ នេះក៏ជាសញ្ញាសាមញ្ញមួយបញ្ជាក់ថា អ្នកទទួលទានជាតិស្ករច្រើនហើយ។
៥ ពុកធ្មេញ
ញ៉ាំជាតិស្ករច្រើន នឹងបំផ្លាញធ្មេញលឿនជាទីបំផុត បើអ្នកមិនបានដុសសម្អាតថែមទៀត។ ហេតុនេះ បើធ្មេញរបស់អ្នកចាប់ផ្តើមពុក ដង្កូវស៊ីហើយ នោះអាចមកពីមូលហេតុអ្នកញ៉ាំអាហារមានជាតិផ្អែមច្រើនពេក។
៦ ហៀរសំបោរញឹកញាប់
អាហារមានជាតិស្ករ ពិតជាជះឥទ្ធិពលដល់ប្រព័ន្ធភាពស៊ាំរបស់អ្នកបំផុត ដែលងាយនឹងឲ្យអ្នកឈឺ ព្រមទាំងឆាប់ផ្តាសាយ។ ហេតុនេះ ដើម្បីសុខភាពរាងកាយ គួរកាត់បន្ថយអាហារផ្ទុកជាតិផ្អែម ៕