Yang Zi ត្រូវទស្សនិកជនថាសម្រស់ចាញ់សិស្សប្អូនដាច់ពេលចូលតួ ណាចាជំនាន់ថ្មី

2021-06-21 04:32:00
ចំនួនមតិ 0 | ចំនួនចែករំលែក 0

រ៉ាប់រងតួ ណាចា នៅក្នុងកម្មវិធីថ្មី តារាសម្ដែងស្រីជួរមុខចិន Yang Zi ត្រូវទស្សនិកជនវាយតម្លៃថា សម្រស់នៅមានកម្រិត ត្រូវសិស្សប្អូនវ៉ាមុខដាច់ ទាំងទឹកមុខ និងរូបសម្បត្តិ។

កាលពីថ្ងៃទី ២០ ខែមិថុនាកន្លងទៅនេះ ក្រុមការងាររបស់កម្មវិធី The Detectives’ Adventures បានបញ្ចេញកម្រងរូបភាពថ្មី សម្រាប់ភាគរបស់កម្មវិធីនេះ។ តាមនោះដែរ នៅក្នុងភាគថ្មី សមាជិករបស់កម្មវិធីទាំងអស់ នឹងត្រូវតែងខ្លួនជាតួអង្គរបស់រឿង ដំណើរទៅភាគខាងលិចចម្លងធម៌របស់ស៊ុនអ៊ូខុង ស៊េរីឆ្នាំ ១៩៨៦។ នៅក្នុងភាគនេះដែរ កំពូលតារាសម្ដែងស្រីចិន Yang Zi ត្រូវបានផលិតករឲ្យរ៉ាប់រងតួ កុមារទេពណាចា។ នៅក្នុងឈុតក្រហម និងកងមាស ស្រីស្អាត២៨ឆ្នាំ ត្រូវបានគេវាយតម្លៃថា ក្រមិចក្រមើម គួរឲ្យស្រលាញ់។ យ៉ាងណាក្ដី ក្រោយនោះបន្តិច នៅពេលក្រុមការងារបញ្ចេញរូបរបស់ Jie Qiong ដែលរ៉ាប់រងតួបិសាចពីងពាងនោះ Yang Zi ត្រូវបានយកប្រៀបធៀបភ្លាមៗតែម្ដង។

តាមនោះដែរ តួរឿង Ash of Love ត្រូវបានវាយតម្លៃថា មានមាឌឌាំង មិនល្វតល្វន់ ថ្ងាសធំ ថ្ពាល់ប៉ោង ពោលគឺចាញ់ តួរឿង The Legend of Fei ទាំងស្រុង។ ក្រោយពេលមានការប្រៀបធៀបនេះកើតឡើង អ្នកគាំទ្ររបស់ Yang Zi បានចេញមុខការពារ Idol របស់ខ្លួនដោយលើកឡើងថា ស្រីស្អាតទាំង២មិនអាចយកមកប្រៀបធៀបបានឡើយ ត្បិត Yang Zi សម្ដែងតួណាចា គឺតួប្រុស ឯ Jie Qiong តួបិសាចពីងពាងគឺតួស្រី ហើយការដែល Yang Zi មានមាឌធំគឺមកពីគ្រោងឆ្អឹងនាងពីកំណើតគឺបែបនេះ ទោះនាងសម្រកគីឡូក៏មិនអាចកែប្រែបានឡើយ៕