នៅពេលមាន៣យ៉ាងនេះហើយ មិនមានទ្រព្យស្ដុកស្ដម្ភក៏មានក្ដីសុខពេញខ្លួនដែរ

2021-06-17 16:00:00
ចំនួនមតិ 0 | ចំនួនចែករំលែក 0

សូមចងចាំថា ទោះបីជាជីវិតយើងមិនហាយសូដូចគេមែនពិត តែប្រសិនបើអ្នកមាន៤យ៉ាងខាងក្រោមនេះ គឺចាត់ទុកបានថាអ្នកសំណាងជាងមនុស្សជាច្រើនណាស់ទៅហើយ។

១. ឪពុកម្ដាយ

មនុស្សមួយចំនួននៅតែមានកូនចិត្តតូចចិត្តនឹងខ្លួនឯង ក្រោយពេលសម្លឹងទៅលើឃើញថា គេមានបានជាងខ្លួន ទាំងខ្លួនមានជម្រក និងឪពុកម្ដាយហើយក៏ដោយ។ អ្នកមានដឹងទេថា មានកូនកំព្រាប៉ុន្មានលាននាក់ដែលស្រមៃចង់បានគ្រួសារដូចជាអ្នកនោះ។ គេថាមានឪពុកម្ដាយ គឺមានអ្វីគ្រប់យ៉ាងពិតជាមិនខុសឡើយ ត្បិតពេលមានបាន គឺយើងនឹកឃើញព្រះរស់ទាំង២មុនគេហើយ។ បើពេលគ្មានរូបគាត់វិញ ក៏គ្មានន័យដែរ ព្រោះរកបានហើយ ក៏មិនដឹងជាត្រូវសប្បាយជាមួយអ្នកណា។

២. កូនៗ

គេថាកូនៗគឺជាអំណោយរបស់ទេវតាពិតជាមិនខុសមែន ត្បិតគ្រួសារមួយចំនួន ចំណាយលុយរាប់មិនអស់ និងកម្លាំងកាយចិត្តជាច្រើន ក៏រកកូនមួយគ្រាប់មិនបាន។ ដូចនេះហើយ នៅពេលមានកូន ត្រូវចេះឲ្យតម្លៃ ព្រោះមិនមែនអ្នកណាក៏អាចឡើងតំណែងឪពុកម្ដាយនោះទេ។ កូនៗកើតមក គឺដើម្បីថ្នាក់ថ្នមស្រលាញ់ ដូចនេះហើយ នៅពេលមានកូនហើយ ត្រូវចេះថែរក្សាឲ្យកូនដើរតាមគន្លងធម៌ កុំឲ្យដើរខុសផ្លូវព្រោះឪពុកម្ដាយតម្រង់ទិសមិនត្រូវ។

៣. មិត្តពិតប្រាកដ

មានតែគ្រាក្រអាសន្នប៉ុណ្ណោះ ទើបអ្នកដឹងថា អ្នកណាជាមិត្តពិតប្រាកដរបស់ខ្លួន។ មិត្តភ័ក្ដិក៏ដូចគ្នា អ្នកដែលរាប់អានអ្នកតែពេលផឹកស៊ី តែពេលអ្នកមានលុយ ហើយដើរចេញ បោះបង់អ្នកនៅពេលអ្នកធ្លាក់ខ្លួននោះ មិនត្រូវបានហៅថាជាមិត្តភ័ក្ដិឡើយ ដោយគួរតែហៅថាបក្សពួកទើបត្រូវ។ អ្នកក៏គួរឆ្លៀតពេលនេះ ដកពួកគេចេញពីជីវិតតែម្ដងរឹតតែប្រសើរ។ ជំពូកមនុស្សទាំងនេះ ទុកក៏គ្មានប្រយោជន៍ ដកចេញក៏មិនខាត។ ទុកតែអ្នកដែលរាប់អានអ្នកចេញពីចិត្តបានហើយ អ្នកដែលដឹងថាទោះអ្នកមិនមានអ្វីក៏នៅតែរាប់រកនោះ៕

ប្រភព៖ Phunutoday ប្រែសម្រួល៖ Caramel