អ្នកគាំទ្រព្រួយបារម្ភចំពោះ Yang Mi ខ្លាំងព្រោះឃើញនាងកាន់របស់មួយនេះពេលទៅធ្វើការ
- 2021-06-17 04:25:00
- ចំនួនមតិ 0 | ចំនួនចែករំលែក 0
អ្នកគាំទ្រព្រួយបារម្ភចំពោះ Yang Mi ខ្លាំងព្រោះឃើញនាងកាន់របស់មួយនេះពេលទៅធ្វើការ
ថ្មីៗនេះបំផុត គេប្រទះឃើញកំពូលតារាសម្ដែងស្រីចិន Yang Mi កាន់របស់មួយនៅក្នុងដៃនៅពេលទៅធ្វើការ ហើយនេះក៏មិនមែនជាលើកទី១ដែលនាងទុករបស់នេះនៅជិតខ្លួន ដែលធ្វើឲ្យអ្នកគាំទ្រព្រួយបារម្ភជាខ្លាំង។
កាលពីថ្ងៃទី ១៦ ខែមិថុនាមុននេះ បណ្ដា្ព័ត៌មាន QQ បានរាយការណ៍ថា តារាសម្ដែងលំដាប់ A ចិន Yang Mi បានមានវត្តមាននៅទីក្រុងសៀងហៃប្រទេសចិនដើម្បីថតរឿងភាគ She and Her Perfect Husband។ ស្លៀកពាក់ឈុតសាមញ្ញ តែតារាស្រីអាយុ ៣៤ឆ្នាំ នៅតែមើលទៅស្រស់ស្អាត និងលេចធ្លោខ្លាំងនៅលើផ្លូវ។ យ៉ាងណាក្ដី នៅពេលក្រឡេកទៅដៃរបស់អ្នកម្ដាយកូន១ អ្នកគាំទ្រចាប់ផ្ដើមព្រួយបារម្ភពីស្រីស្អាតនេះសារជាថ្មី។ ជាក់ស្ដែង នៅពេលទៅធ្វើការនេះ Yang Mi បានកាន់ម៉ាស៊ីនស្ដាប់ធម៌នៅក្នុងដៃ។ ទស្សនិកជនបានរកឃើញថា ម៉ាស៊ីននេះជួយឲ្យអ្នកស្ដាប់រំងាប់ចិត្ត ផ្ចង់អារម្មណ៍ និងកុំឲ្យភ័យខ្លាច។ Yang Mi គឺជាសិល្បករដែលឧស្សាហ៍ប្រើម៉ាស៊ីនស្ដាប់ធម៌នេះច្រើនជាងគេ។
ហើយមូលហេតុដែលធ្វើឲ្យអ្នកគាំទ្ររបស់តារាស្រីកើតឆ្នាំ ១៩៨៦ ព្រួយបារម្ភពីនាងគឺមកពី ពួកគេដឹងថា នាងកំពុងស្ថិតក្នុងភាពមិនប្រក្រតីទៀតហើយ ត្បិតលើកមុនដែលគេឃើញនាងប្រើម៉ាស៊ីននេះនោះគឺនៅពេលនាងប្រកាសលែងលះជាមួយតារាសម្ដែងប្រុស Harwick Lau ហើយត្រូវគេរិះគន់ខ្លាំង រឿងមួយឆ្នាំទៅមើលកូនមិនបាន១០ដង។
មួយរយៈចុងក្រោយនេះ Yang Mi ត្រូវបានគេរិះគន់ដូចគ្នា ព្រោះនៅថ្ងៃខួបកូនស្រីមិនបានជូនពរ ហើយក៏បានទៅលេងដែរ គឺនៅរវល់ថតកម្មវិធីឥតឈប់ ដែលជាហេតុធ្វើឲ្យគេសន្និដ្ឋានថា ចិត្តនាងមិនស្ងប់ត្រូវការជំនួយពីម៉ាស៊ីនស្ដាប់ធម៌៕