បើសិនចង់មានសំណាងពីឥលូវរហូតដល់ចាស់ មនុស្សស្រីគួររៀនធ្វើរឿងទាំងនេះ
- 2021-06-16 16:00:00
- ចំនួនមតិ 0 | ចំនួនចែករំលែក 0
បើសិនចង់មានសំណាងពីឥលូវរហូតដល់ចាស់ មនុស្សស្រីគួររៀនធ្វើរឿងទាំងនេះ
មនុស្សស្រីដែលចង់រីករាយក្នុងជីវិត គួរតែធ្វើរឿងងាយៗទាំងនេះឲ្យច្បាស់លាស់ ពីពេលឥលូវនេះរហូតដល់ចាស់ ដើម្បីទទួលបានលាភសំណាងប្រចាំខ្លួន។ ទាំងនេះ គឺជារឿងសាមញ្ញៗដែលមនុស្សស្រីអាចធ្វើបានដោយគ្មានបញ្ហា។
១. ទង្វើប្រកដដោយគុណធម៍
មនុស្សស្រីដែលចង់បានការសប្បាយរីករាយ គួរតែធ្វើរឿងល្អៗចំពោះខ្លួនឯងនិងគ្រួសារ។ ត្រូវលះបង់នូវការស្អប់ ហើយធ្វើរឿងល្អច្រើនឡើងៗ។
២. មើលថែទាំឪពុកម្តាយ
មិនបាច់ទាល់តែអ្នកមានលុយច្រើន ក្លាយជាអ្នកមានទើបអាចសងគុណឪពុកម្តាយបានទេ ព្រោះអ្នកក៏មិនដឹងខ្លួនឯងថា ពេលណាអ្នកជោគជ័យដែរ ហើយឪពុកម្តាយអ្នក ក៏មិនដឹងថាអាចរង់ចាំបានដល់ថ្ងៃនោះឬអត់ដូចគ្នា។ ហេតុនេះ គួរតែយកពេលថែទាំអ្នកគុណ កុំភ្លេចនៅហូបអាហារជាមួយគ្រួសាររបស់អ្នក។ បើអ្នកមិនចង់សោកស្តាយនៅពេលចាស់ទេ គួរតែស្រលាញ់ឪពុកម្តាយរបស់អ្នកឲ្យច្រើនៗពីពេលឥលូវនេះ។
៣. រួសរាយដាក់អ្នកដទៃ
ជីវិតរបស់មនុស្សស្រីឆ្លាត ត្រូវរស់នៅប្រកបដោយកិត្តិយសល្អ កុំឲ្យជីវិតរស់ក្នុងរឿងអាប់យសរាប់ពាន់ឆ្នាំឲ្យសោះ។ ដូច្នេះត្រូវបង្ហាញសកម្មភាពនិងនិយាយស្តីឲ្យមានស្តង់ដា រួមទាំងចេះរួសរាយដាក់អ្នកផងទាំងពួងដែរ។ កុំបំផ្លាញខ្លួនឯង ដោយសារតែកំហឹងមួយឆាវ។
៤. កុំនិយាយដើមអ្នកដទៃ
ទម្លាប់និយាយដើមគេ នឹងធ្វើឲ្យជីវិតរបស់អ្នកគ្រោះថ្នាក់។ មិនត្រឹមតែ មិនបានទទួលការស្រលាញ់ពីអ្នកដទៃឡើយ ថែមទាំងបង្កើតឲ្យខ្លួនឯងយ៉ាប់ហៅលែងលឺទៀតផង។ នេះគឺជារបៀបដែលធ្វើឲ្យជីវិតអ្នកពោរពេញដោយការច្រណែន ឈ្នានីសមិនចេះចប់។ កុំនិយាយដើមអ្នកដទៃ គួរតែរីករាយនៅពេលឃើញនរណាជោគជ័យអ្វីមួយ។
៥. មិនកេងប្រវញ្ច័លើអ្នកដទៃ
រស់ក្នុងជីវិតនេះ កុំខ្សែលើអ្នកណាទាំងអស់ដើម្បីប្រយោជន៍ផ្ទាល់ខ្លួន ឬដើម្បីប្រាក់។ អ្នកត្រូវចាំថា លុយ កេរ្តិ៍ឈ្មោះ ភាពមានបាននឹងកើតឡើង នៅពេលអ្នកមានភាពខ្លាំងដោយខ្លួនឯង។ កុំបោះជំហានលើខ្នងអ្នកដទៃ ដើម្បីឲ្យខ្លួនឯងជឿនលឿនបានរហ័ស ព្រោះពេលដែលអ្នកចាស់ នោះអ្នកនឹងចំណាយច្រើនមិនខាន។ ត្រូវរស់ជាមួយនឹងភាបស្មោះត្រង់ កុំលក់មនសិការខ្លួនឯង ដោយសារតែប្រាក់ឲ្យសោះ៕