Idol ប្រុសកូរ៉េ ព្យាយាមសម្លាប់ខ្លួន ក្រោយជាប់ទោសរំលោភគេ
- 2021-06-16 08:45:00
- ចំនួនមតិ 0 | ចំនួនចែករំលែក 0
Idol ប្រុសកូរ៉េ ព្យាយាមសម្លាប់ខ្លួន ក្រោយជាប់ទោសរំលោភគេ
តារាចម្រៀ់ងប្រុសកូរ៉េ Himchan បានសម្រេចចិត្តបញ្ចប់ជីវិតខ្លួនឯង ក្រោយពេលត្រូវតុលាការកាត់ទោសថាលោកពិតជាបានមានបំណងរំលោភសេពសន្ថវៈពិតប្រាកដមែន។
កាលពីថ្ងៃទី ១៥ ខែមិថុនាមុននេះ បណ្ដាញព័ត៌មាន My Daily បានរាយការណ៍ថា តារាចម្រៀងប្រុសកូរ៉េល្បីឈ្មោះ Himchan សមាជិកក្រុមចម្រៀង BAP បានព្យាយាមសម្លាប់ខ្លួននៅផ្ទះរបស់ខ្លួន។ សំណាងល្អ ម្ដាយរបស់លោក បានដឹងទាន់ និងជូនលោកទៅសង្គ្រោះបន្ទាន់ទាន់ពេលវេលា។ ក្រោយព្យាបាលក្នុងបន្ទប់សង្គ្រោះបន្ទាន់ លោកបានផុតដំណាក់កាលគ្រោះថ្នាក់ហើយ។
មូលហេតុដែលធ្វើឲ្យតារាអាយុ ៣១ឆ្នាំគិតខ្លីបែបនេះ គឺមកពីលោកត្រូវរងសម្ពាធផ្លូវចិត្តខ្លាំង ព្រោះជួបរឿងអាស្រូវផ្ទួនៗគ្នា។ តាមនោះដែរ កាលពីឆ្នាំ ២០១៨ លោកបានជួបនារីម្នាក់នៅខេត្ត Gyeonggi នៅសណ្ឋាគារមួយ ហើយលោកបានវាយលុក ធ្វើការរំលោភលើនារីនោះ។ ជាលទ្ធផល លោកត្រូវជាប់គុកចំនួន ១០ខែ។
ក្រោយពេលចេញពីគុក តារាប្រុសរូបនេះបានលើកឡើងថា លោកមិនបានរំលោភនារីខាងលើទេ ព្រោះដោយសារអ្នកទាំង២មានទំនាក់ទំនងជាសង្សារនឹងគ្នា។ យ៉ាងណាក្ដី ការតវ៉ាជាច្រើនដងរបស់លោក នៅតែត្រូវតុលាការច្រានចោលដដែរ។ ទន្ទឹមនឹងរឿងក្ដីរំលោភនេះ លោកក៏ជាប់រឿងក្ដីមួយទៀត នោះគឺបង្ករគ្រោះថ្នាក់ ដោយសារតែសេពគ្រឿងស្រវឹង និងត្រូវបានគេដកហូតប័ណ្ណបើកបរតែម្ដង។
ដោយសារតែរងសម្ពាធខ្លាំងពេកមិនបាន នៅថ្ងៃទី ១៤ ខែមិថុនា តារាកើតឆ្នាំ ១៩៩០បានព្យាយាមបញ្ចប់ជីវិតខ្លួនឯង តែត្រូវបានម្ដាយបង្កើតជូនទៅមន្ទីពេទ្យទាន់ពេល៕