ល្អពេកហើយ ម្សៅកូនក្មេងមួយកំប៉ុង អាចជួយឲ្យអ្នកស្អាតលើសដើមដល់ ៥កន្លែង
- 2021-06-15 08:00:00
- ចំនួនមតិ 0 | ចំនួនចែករំលែក 0
ល្អពេកហើយ ម្សៅកូនក្មេងមួយកំប៉ុង អាចជួយឲ្យអ្នកស្អាតលើសដើមដល់ ៥កន្លែង
មិនត្រឹមតែអាចជួយបាត់រមាស់ និងកន្ទួលលើស្បែកនោះទេ ម្សៅលាបកូនក្មេងនៅមានផលប្រយោជន៍ជាច្រើនសម្រាប់សម្រស់របស់អ្នកដែលអ្នកមិនទាន់ដឹង។
១. កម្ចាត់សក់ប្រេង
ជាមួយនឹងអាកាសធាតុក្ដៅ និងសើមដូចប្រទេសយើង ការដែលសក់ឆាប់ឡើងប្រេងគឺជារឿងដែលជៀសមិនផុត។ នៅពេលសក់ឡើងប្រេងខ្លាំង គ្រាន់តែចាក់ម្សៅកូនក្មេងដាក់ដៃ រួចយកចំនួនបន្តិចម្ដងៗ លាបនៅគល់សក់ និងកន្លែងដែលឡើងប្រេង។ ក្រោយពេលលាប គ្រាន់តែម៉ាស្សាឲ្យម្សៅចូលសក់កុំឲ្យឃើញស គឺអ្នកមានសក់រលាស់ថ្មី ដូចទើបនឹងកក់ដែរ។
២. ប្រើជាម្សៅហុយ
តើអ្នកដឹងទេថា ប្រសិនបើថ្ងៃណាមួយ ម្សៅហុយរបស់អ្នកអស់ ហើយអ្នកមិនទាន់បានទិញថ្មីនោះ គឺអ្នកអាចជំនួសដោយម្សៅកូនក្មេងដោយគ្មានបញ្ហាឡើយ។ តាមនោះដែរ ក្រោយលាបម្សៅទ្រនាប់រួច អ្នកចាក់ម្សៅហុយចេញក្រៅ រួចយកជក់ ឬប៉ុងមកផ្ដិតលើមុខ នឹងធ្វើឲ្យម៉ដ្ឋមិនចាញ់ម្សៅហុយឡើយ។ តែគួរប្រើចំនួនសមល្មម ត្បិតម្សៅកូនក្មេងភាគច្រើនសជាងសាច់ម្សៅហុយ និងស្ងួតជាងម្សៅហុយទូទៅ។
៣. រក្សាក្រែមបានយូរ
អ្នកមានបញ្ហាក្រែមជាប់មិនបានយូរ និងមិនចូលចិត្តក្រែមរលោងមែនទេ ពេលនេះលែងជាបញ្ហាហើយ។ ក្រោយពេលលាបក្រែមរួច គ្រាន់តែយកក្រដាសជូតផ្ដិតលើមាត់ និងយកជក់ផាត់ម្សៅកូនក្មេង នោះក្រែមរបស់អ្នកនឹងជាប់បានយូរ និងលែងរលើបដូចខ្លាញ់ទៀតហើយ។
៤. បំបាត់ក្លិនក្លៀក
អ្នកមិនចូលចិត្តអារម្មណ៍ស្អិតប្រតេកប្រតាកពេលប្រើលុញក្លៀកមែនទេ។ ម្សៅកូនក្មេងអាចជួយបានយ៉ាងមានប្រសិទ្ធិភាព ដោយម្សៅនេះអាចទប់ក្លិនក្លៀក និងស្រូបយកញើសបានល្អ។ ក្រោយពេលងូតទឹក គ្រាន់តែលាបម្សៅនេះលើក្លៀកជាការស្រេច។
៥. បំបាត់បែកញើសដៃ
មនុស្សជាច្រើនកើតមក គឺមានការបែកញើសបាតដៃនេះតែម្ដង ដោយមិនអាចព្យាបាលដាច់បានឡើយ។ នៅពេលចូលរួមកម្មវិធីធំៗដែលតម្រូវឲ្យចាប់ដៃអ្នកដទៃនោះ នឹងធ្វើឲ្យអ្នកបាត់ភាពជឿជាក់បើដៃសើមជោគបែបនេះ។ ដើម្បីកែប្រែបញ្ហានេះ ក្រោយពេលលាងដៃរួច គ្រាន់តែញីម្សៅកូនក្មេងឲ្យសព្វបាតដៃ និងធ្ចើចំនួនប៉ុន្មានដង នឹងជួយទប់ស្កាត់បែកញើសដៃបានយូរគួរសម។ អ្នកអាចយកម្សៅតាមដើម្បីលាបបន្ថែម នៅពេលចាប់ផ្ដើមបែកញើសទៀត៕