សម្រស់ Zhao Li Ying ក្រោយលែងលះ២ខែ រូបមិនទាន់កែកុន ក៏នៅតែខ្ញង់ស្អាត

2021-06-14 08:24:00
ចំនួនមតិ 0 | ចំនួនចែករំលែក 0

នៅក្នុងឈុតរ៉ូបវែងអូសដី កំពូលតារាសម្ដែងស្រីចិន Zhao Li Ying ត្រូវបានគេប្រដូចថាស្អាតដូចព្រះនាងក្នុងរឿងនិទាន ទោះនាងទើបឆ្លងកាត់រឿងលែងលះហើយក៏ដោយ។

បណ្ដាញព័ត៌មាន Sina បានរាយការណ៍ថា កាលពីថ្ងៃទី ១២ ខែមិថុនាកន្លងទៅនេះ តារាសម្ដែងស្រីជួរមុខចិន Zhao Li Ying បានមានវត្តមាននៅទីក្រុងសៀងហៃ ដើម្បីចូលរួមក្នុងកម្មវិធីផ្សព្វផ្សាយប្រេននាឡិកាដៃល្បីឈ្មោះមួយ ដែលនាងជាអ្នកតំណាង។

គួរបញ្ជាក់ផងដែរថា នេះគឺជាកម្មវិធីធំផ្សព្វផ្សាយទី១ ដែលតួរឿងនិស្ស័យស្នេហ៍ដាវទេពចូលរួម ក្រោយពេលលែងលះជាមួយអតីតស្វាមី ដែលជាតារាសម្ដែងប្រុស Feng Shaofeng កាលពី២ខែមុន។ មនុស្សជាច្រើនបានលាន់មាត់ថា ហាក់បីដូច ហេតុការណ៍លែងលះអតីតស្វាមីនេះ មិនបានធ្វើឲ្យស្រីស្អាតអាយុ៣៣ឆ្នាំ ប៉ះទង្គិចខ្លាំងពេកនោះឡើយ ត្បិតសម្រស់របស់នាងនៅតែផូរផង់ បើមិនចង់និយាយថា ស្អាតជាងមុន។

ក្រៅពីនេះ អ្នកគាំទ្ររបស់សិល្បការិនីកើតឆ្នាំ ១៩៨៧ មិនត្រឹមតែស្អាត ចំពោះរូបរបស់ក្រុមហ៊ុននាងបញ្ចេញដែលបានឆ្លងកាត់ការកែកុននោះទេ សូម្បីតែរូបដែលអ្នកចូលរួមកម្មវិធីថតដោយទូរសព្ទ ហើយមិនបានឆ្លងកាត់ការ edit អ្វីទាំងអស់នៅតែស្អាតខ្លាំង ធ្វើឲ្យគេច្រណែនគ្រប់ៗគ្នា។ ក្រោយលែងលះរួច Zhao Li Ying នៅតែបន្តសង្វាតធ្វើការ ដោយទទួលគម្រោងថ្មីឥតឈប់ និងធ្វើការសឹងតែគ្មានពេលសម្រាក៕