អ្នកគាំទ្ររិះគន់ ពេលរូប Liu Yifei មុន និងក្រោយពេលកែខុសគ្នាខ្លាំងពេក
- 2021-06-14 04:35:00
- ចំនួនមតិ 0 | ចំនួនចែករំលែក 0
អ្នកគាំទ្ររិះគន់ ពេលរូប Liu Yifei មុន និងក្រោយពេលកែខុសគ្នាខ្លាំងពេក
មានវត្តមាននៅក្នុងកម្មវិធីថ្មីបំផុត តារាសម្ដែងស្រីជួរមុខចិន Liu Yifei បានធ្វើឲ្យទស្សនិកជនស្រងាកចិត្ត ត្បិតរវាងរូបក្រោយឆ្លងកាត់ edit និងរូបពិតរបស់នាងខុសគ្នាច្រើន។
មុននេះបន្តិច តារាសម្ដែងស្រីជើងចាស់ចិន Liu Yifei បានមានវត្តមានដ៏ធំប្រចាំឆ្នាំរបស់ក្រុមហ៊ុនកម្សាន្តខ្នាតយក្ស Tencent។ មូលហេតុចម្បងរបស់តួរឿង Mulan នៅក្នុងកម្មវិធីដែលប្រជុំទៅដោយកំពូលតារានេះគឺដើម្បី ផ្សព្វផ្សាយរឿងភាគ Meng Hua Luo របស់ខ្លួន។
មុនពេលកម្មវិធីចាប់ផ្ដើមជាផ្លូវការ ស្រីស្អាតវ័យ ៣៣ឆ្នាំ ត្រូវបានក្រុមការងារផ្ដិតរូប និងបង្ហោះលើបណ្ដាញសង្គមរបស់ក្រុមហ៊ុន ធ្វើឲ្យអ្នកគាំទ្រអត់នឹងមិនសរសើរមិនបានចំពោះសម្រស់ ដ៏ស្រស់សោភារបស់នាង។ យ៉ាងណាក្ដី មិនទាន់បានប៉ុន្មានផង នៅពេលកម្មវិធីចាប់ផ្ដើមជាផ្លូវការ ហើយត្រូវបានផ្សាយផ្ទាល់នោះ គេសង្កេតឃើញថា រូបទាំង២នេះគឺខុសគ្នាទាំងស្រុង។
តាមនោះដែរ នៅក្នុងរូបដែលត្រូវបានក្រុមហ៊ុនបញ្ចេញនោះ តួរឿងនិស្ស័យស្នេហ៍ទេវតាបីជាតិ មើលទៅស្គម រាងស្រឡូនដូចតារាម៉ូដែល និងមើលទៅក្មេងជាងវ័យ។ យ៉ាងណាក៏ដោយ រូបដែលមិនទាន់ឆ្លងកាត់ការកែកុន គេសង្កេតឃើញថា តារាកើតឆ្នាំ ១៩៨៧ ឡើងគីឡូ ដុះបឿកជាដើម។
នៅលើបណ្ដាញសង្គម មនុស្សជាច្រើនបានលាន់មាត់ថា រយៈពេលកំពូលសម្រស់របស់ Liu Yifei បានកន្លងផុតហើយ នៅពេលនេះនាងថែរាងមិនបានល្អដូចមុន ធ្វើឲ្យរូបទាំងអស់មុនពេលបញ្ចេញត្រូវចំណាយពេលច្រើនដើម្បីកែកុនទើបអាចបង្ហោះបាន៕