គូស្នេហ៍ដែលអ្នករើស អាចស្តែងច្បាស់ៗពីចិត្តគំនិតរបស់អ្នកក្នុងរឿងស្នេហាបាន
- 2021-06-10 13:05:00
- ចំនួនមតិ 0 | ចំនួនចែករំលែក 0
គូស្នេហ៍ដែលអ្នករើស អាចស្តែងច្បាស់ៗពីចិត្តគំនិតរបស់អ្នកក្នុងរឿងស្នេហាបាន
តើគូស្នេហ៍ណាមួយដែលអ្នកនឹងរើស ដើម្បីដឹងពីបេះដូងរបស់អ្នកផ្ទាល់
គូស្នេហ៍ទី១
អ្នកជាមនុស្សឆាប់ប្រតិកម្មក្នុងរឿងស្នេហា
អ្នកជាមនុស្សស្មោះអស់ពីពោះ តែពេលខ្លះក៏ឆោតក្នុងរឿងស្នេហាផងដែរ។ អ្នកជាមនុស្សបរិសុទ្ធ និងគ្មានល្បិចគេចកល្យក្នុងរឿងស្នេហាឡើយ ជួនកាលអ្នកក៏ខ្លាចឆាប់លង់ស្រលាញ់អ្នកណាម្នាក់ពេកដែរ។ នៅពេលស្រលាញ់នរណាហើយ អ្នកតែងតែជាមនុស្សបារម្ភច្រើន មិនសូវបានគិតពីខ្លួនឯងច្រើនពេកទេ រហូតមិនសូវជឿជាក់លើខ្លួនឯង និងស្នេហាថែមទៀតផង។ អ្នកហាក់បីដូចជាឆាប់រងការប៉ះទង្គិច និងប្រតិកម្មលើរឿងស្នេហាណាស់។ ពេលខ្លះ ត្រឹមទឹកមុខគេ ឬកាយវិការព្រងើយកន្តើយរបស់ដៃគូបន្តិច ក៏អាចធ្វើឲ្យអ្នកក្រៀមក្រំចិត្ត ហើយគិតច្រើនដែរ។ ជាទូទៅ នៅពេលអ្នកបាក់ចិត្តលើនរណាហើយ អ្នកនឹងដាក់មនោសញ្ចេតនាជ្រាលជ្រៅបំផុត។
គូស្នេហ៍ទី២
អ្នកជាមនុស្សបើកចិត្តទូលាយលើរឿងស្នេហា
ក្នុងរឿងស្នេហា អ្នកតែងទទួលបានការចាប់អារម្មណ៍ពីមនុស្សដទៃ មានចំណេះដឹងទូលាយ ព្រមទាំងមានការទាក់ទាញខ្ពស់។ មួយវិញទៀត អ្នកមិនចូលចិត្តគុំគួន ព្រមទាំងមិនចូលចិត្តការស្អប់គ្នាយូរឡើយ ពិសេសលើទំនាក់ទំនងដែលមានរយៈពេលយូរ។ អ្នកចូលចិត្តមនុស្សកំប្លែង មនុស្សមានការតាំងចិត្តលើរឿងស្នេហា តែក៏ស្អប់មនុស្សណាដែលគ្មានទំនួលខុសត្រូវក្នុងរឿងស្នេហាដែរ។ បើអ្នកសម្គាល់ថា ស្នេហាហាក់មិនទៅមុខហើយ អ្នកក៏ព្រមដោះលែងគេ ហើយទុកឲ្យគេមានសេរីភាពចុះ។
គូស្នេហ៍ទី៣
អ្នកជាមនុស្សមានភាពរ៉ូមែនទិកក្នុងរឿងស្នេហា
ក្នុងរឿងស្នេហា អ្នកជាមនុស្សមានភាពផ្អែមល្ហែម ព្រមទាំងមានការតាំងចិត្តខ្ពស់។ អ្នកនឹងធ្វើគ្រប់យ៉ាងចេញពីបេះដូង ហើយក៏ហ៊ានលះបង់គ្រប់យ៉ាងផងដែរ សម្រាប់ក្តីស្នេហារបស់អ្នក។ មិនតែប៉ុណ្ណោះ អ្នកជាមនុស្សមានគុណធម៍ ព្រមទាំងរកវិធីគ្រប់បែបយ៉ាងដើម្បីសង្គ្រោះស្នេហារបស់អ្នកឲ្យមានជីវិតបានយូរ ព្រោះតែអ្នកតែងតែច្បាស់លាស់នៅពេលស្រលាញ់នរណាម្នាក់។ អ្នកនឹងគិតពីដៃគូ ក្នុងផ្លូវអនាគតជាមួយគ្នា ព្រមទាំងចង់រៀបការនិងរស់នៅជាមួយគ្នារហូតមិនប្រែ។
គូស្នេហ៍ទី៤
អ្នកជាមនុស្សឯករាជ្យក្នុងរឿងស្នេហា
អ្នកជាមនុស្សឯករាជ្យ ជាមនុស្សចូលចិត្តសេរីភាពតាំងពីធម្មជាតិមកតែម្តង។ បើទោះបីជាអ្នកកំពុងមានសង្សារក៏ដោយ ក៏អ្នកតែងតែឆ្លៀតពេលសម្រាប់បំពេញក្តីស្រមៃរបស់ខ្លួនឯង និងស្វែងរកពេលទំនេរចំពោះខ្លួនឯងដែរ។ ក្នុងរឿងស្នេហា ក្តីស្រលាញ់ចំពោះដៃគូគឺនៅតែមាន ហើយចំពោះខ្លួនឯងក៏អ្នកមិនភ្លេចផ្តល់ឲ្យដូចគ្នា។ អ្នកនឹងមិនបោះបង់ខ្លួនឯងចោលឡើយ អ្នកមានក្រិត្យក្រម ព្រមទាំងច្បាស់លាស់ចំពោះខ្លួនឯង។ តែយ៉ាងណាក៏ដោយ ពេលខ្លះវាក៏ជាចំណុចអវិជ្ជមានតូចមួយ ដោយសារអ្នកដទៃនឹងចាកចោលអ្នក ព្រោះតែពួកគេមានអារម្មណ៍ថា មិនបានទទួលការយកចិត្តទុកដាក់គ្រប់គ្រាន់ដូចអ្វីដែលគេបានផ្តល់ឲ្យអ្នក៕