បើចង់ដឹងសាករើសរូបមួយមើល៖

មុខមនុស្សប្រុស

បើសិនជាអ្នកសម្លឹងឃើញមនុស្សប្រុសមុនគេ ចំនុចខ្លាំងរបស់អ្នកគឺសមត្ថភាពក្នុងការគិតគូរយ៉ាងច្បាស់លាស់ ជាពិសេសនៅពេលដែលមនុស្សភាគច្រើនច្របូកច្របល់ គិតមិនចេញ។ ហេតុនេះហើយមនុស្សភាគច្រើនតែងតែគោរព និង ស្ដាប់តាមគំនិតយោបល់អ្នកជានិច្ច។ អ្វីដែលអ្នកគួរតែគិតគូរកែប្រែនោះ គឺការគិតអវិជ្ជមាន ព្រោះតែអ្នកតែងតែគិតគូរពីជីវិតអ្នក រឿងរ៉ាវដែលកើតឡើងនៅក្នុងជីវិតអ្នក ទោះជាមិនមានបញ្ហាអ្វីកើតឡើងទាល់តែសោះក៏ដោយ។ ព្រោះតែបែបនេះហើយទើបពេលខ្លះមនុស្សភាគច្រើនមានអារម្មណ៏ថាពិបាកនឹងយល់ពីអ្នកជាខ្លាំង។

តុ

បើសិនជាអ្នកសម្លឹងឃើញតុមុនគេ ចំនុចខ្លាំងរបស់អ្នកគឺសមត្ថភាពក្នុងការស្ដាប់ ទុក្ខលំបាកអ្នកដទៃដោយយកចិត្តទុកដាក់បំផុត។ អ្នកមានសមត្ថភាពក្នុងការទាក់ទងជាមួយមនុស្សទូទៅ មិនថាជាមនុស្សដែលខុសប្លែកពីអ្នកយ៉ាងណាក្ដី ទោះជាមនុស្សដែលធម្មតាមិនចូលចិត្តបង្ហាញអារម្មណ៏អោយគេឯងដឹងក្ដី ក៏អាចបង្ហើបប្រាប់អ្នកដោយអារម្មណ៏ធូរស្រាលបំផុត។

មនុស្សស្រី

បើសិនជាអ្នកសម្លឹងឃើញមនុស្សស្រីមុនគេ ចំនុចខ្លាំងរបស់អ្នកគឺភាពវៃឆ្លាតរបស់អ្នកនេះហើយ អ្នកចូលចិត្តរៀនសូត្រអ្វីថ្មីៗ នៅពេលដែលអ្នកខ្វល់ខ្វាយពីអ្វីមួយ អ្នកក៏ប្រាថ្នាចង់ធ្វើវាដោយល្អឥតខ្ចោះបំផុត។ ព្រោះតែបែបនេះអ្នក ពេលខ្លះអ្នកអាចនឹងខ្ជីខ្ជាបន្ដិចចំពោះរឿងដែលអ្នកមិនចាប់អារម្មណ៏។

កៅអី

បើសិនជាអ្នកសម្លឹងឃើញកៅអីមុនគេ ចំនុចខ្លាំងរបស់អ្នកគឺសមត្ថភាពក្នុងការសម្លឹងឃើញពិភពលោកនេះខុសប្លែកពីមនុស្សទូទៅ។ សមត្ថភាពពិសេសនេះហើយដែលធ្វើអោយតែងតែមានដំណោះស្រាយប្លែកៗ ពេលដែលជួបប្រទះបញ្ហា។ ចំនុខខ្សោយរបស់អ្នកនោះគឺ អ្នកមិនអាចផ្ដោតអារម្មណ៏ទៅលើរឿងតែមួយបានយូរនោះទេ។