ដើម្បីជីវិតកាន់តែរលូនជាងមុន ក្នុងខែឧសភានេះ រើសកាតមួយដើម្បីទទួលបានសារក្រឿនរំលឹក

2021-05-10 08:30:00
ចំនួនមតិ 0 | ចំនួនចែករំលែក 0

តើកាតណាមួយដែលអ្នកពេញចិត្តជាងគេ?

កាតទី១

កាតនេះបង្ហាញថា ក្នុងខែឧសភានេះ អ្នកត្រូវដាស់តឿនខ្លួនឯងម្តងហើយម្តងទៀត កុំប្រញាប់នៅពេលសម្រេចចិត្តធ្វើអ្វីមួយ។ ដោយសារតែរឿងដែលអ្នកបានជួប អាចត្រឹមជារូបភាពបំភ័ន្តភ្នែក មិនមែនជាការពិត។ រឿងខ្លះ ធ្វើឲ្យអ្នកជឿជាក់ណាស់ តែវាក៏អាចផ្លាស់ប្តូរបាននៅនាទីចុងក្រោយដែរ។ ដូច្នេះ ត្រូវស្តាប់ដោយយកចិត្តទុកដាក់ មិនថាតែមនុស្សជុំវិញអ្នក ហើយត្រូវចេះសង្កេតដោយប្រុងប្រយ័ត្ន ចៀសវាងការបំភ័ន្តផ្សេងៗ។ ក្នុងខែនេះ អ្នកត្រូវប្រុងប្រយ័ត្នបន្តិច លើការសម្រេចចិត្ត។

កាតទី២

អ្នកត្រូវធ្វើការជាក្រុម ហេតុនេះមិនខ្វល់ថាអ្នកកំពុងជាមេក្រុម ឬកូនក្រុមឡើយ អ្នកត្រូវប្រាកដថាអ្នកប្រឹងប្រែងអស់ពីសមត្ថភាពបំផុត។ ប្រសិនបើអ្នកខឹង ឬអន់ចិត្ត ហើយផ្តាច់ខ្លួនចេញពីក្រុមនៅតែម្នាក់ឯង នោះលទ្ធផលច្បាស់ជាមិនលូតលាស់ទៅមុខឡើយ។ មិនតែប៉ុណ្ណោះ ថែមទាំងជះឥទ្ធិពលអាក្រក់ដល់ខ្លួនឯងទៀតផង។ ដូច្នេះហើយ ត្រូវប្រឹងស្តាប់អ្នកដទៃឲ្យបានច្រើន កុំរឹងរូស តែត្រូវបង្កើនឲ្យសកម្មជាងនេះបន្តិច នោះលទ្ធផលការងារនឹងមានការផ្លាស់ប្តូរទៅជាល្អវិញមិនខាន។

កាតទី៣

កាតនេះបង្ហាញថា ក្នុងជីវិតរបស់អ្នកនៅពេលនេះ គឺត្រូវព្រមទទួលស្គាល់ការពិតថា គ្មាននរណាអាចស្ថិតជាមួយយើងបានបានរៀងរហូតទេ។ នៅពេលអ្នកដឹងពីរបៀបធ្វើឲ្យខ្លួនឯងសប្បាយរីករាយ ដឹងពីរបៀបជឿជាក់លើខ្លួនឯង នោះហើយជាសារដ៏សំខាន់ដែលកាតនេះចង់ផ្តល់ឲ្យអ្នក។ កុំរង់ចាំភ័ព្វសំណាងធ្លាក់ពីលើមេឃ ព្រោះថានៅពេលដែលអ្នកចេះមើលថែទាំខ្លួនឯងបានល្អហើយ នេះហើយគឺជាសំណាងដែលអ្នករកឃើញបានយ៉ាងពិតប្រាកដនោះ៕