មនុស្សធំចេញធ្វើការ រកស៊ីអស់ហើយ ត្រូវរិះថាំ៣យ៉ាងនេះ ទើបសង្ឃឹមសល់លុយដុំ
- 2021-05-07 03:00:00
- ចំនួនមតិ 0 | ចំនួនចែករំលែក 0
មនុស្សធំចេញធ្វើការ រកស៊ីអស់ហើយ ត្រូវរិះថាំ៣យ៉ាងនេះ ទើបសង្ឃឹមសល់លុយដុំ
សុរបសេចក្ដីមក ចាយលុយឲ្យសមនឹងសមត្ថភាពខ្លួនឯង នៅតែជាវិធីសាស្ត្រល្អបំផុត ដើម្បីមានលុយបម្រុងនៅក្នុងខ្លួន។ ដើម្បីសល់លុយជាដុំកំភួន អ្នកត្រូវរិះនឹងរឿងទាំង៣នេះ។
១. រិះថាំនឹងគណនីសន្សំ មិនអួត
គេតែងនិយាយថា មិនខ្លាចចោរប្លន់ទេ ខ្លាចតែចោរលួចគុំ។ ឃ្លានេះពិតជាមិនខុសឡើយ ដ្បិតមហាសេដ្ឋីជាច្រើនមិនដែលត្រូវចោរប្លន់ឡើយ ព្រោះពួកគេមិនដែលសម្ញែងទ្រព្យរបស់ខ្លួនឲ្យអ្នកក្រៅឃើញ។ ផ្ទុយមកវិញ អ្នកមានល្មមៗ ខ្លាចគេមិនដឹងថា ខ្លួនមានលុយ តែងតែអួតពីចំនួនលុយដែលខ្លួនមាន ដែលធ្វើឲ្យមិនខុសពីឲ្យចោរមើលងាយ។ ចង់សល់លុយធំ លុយច្រើន ដាច់ខាតមិនប៉ះពាល់ដល់គណនីសន្សំធនាគារ ព្រោះប្រាក់នេះត្រូវប្រើតែពេលទិញអ្វីជាទ្រព្យដូចជាផ្ទះសំបែងជាដើមប៉ុណ្ណោះ។ ចំនួនប្រាក់នៅក្នុងគណនីនេះ ភាគច្រើនគឺធំ ដូចនេះ អ្នកគួរជៀសវាងអួតប្រាប់គេពីតួរលេខនេះ។
២. រិះថាំ នឹងមនុស្សលោភលន់
ជួយគ្នាក្នុងគ្រាក្រ គឺជាទឹកចិត្តដ៏ថ្លៃថ្លាបំផុតរបស់មនុស្សលោក មានតែអ្នកធ្លាប់អត់មានអ្វីសោះ ទើបយល់ថា ត្រូវបានគេជួយមានតម្លៃប៉ុណ្ណា។ ប៉ន្តែការជួយនេះ ត្រូវឲ្យចេះពិចារណាដូចគ្នា ថាគេពិតជាខ្សត់កម្រមែនអត់ ឬគ្រាន់តែសម្ដែងកេងចំណេញពីអ្នកចិត្តទន់។ ជាមួយមនុស្សប្រភេទនេះ ទោះបីជាមានច្រើនប៉ុណ្ណាក៏មិនស្កប់ស្កល់ដែរ ដូចនេះ បើអ្នកធ្វើបុណ្យនឹងពួកគេមានតែ វេទនាខ្លួនឯងប៉ុណ្ណោះ។ ដូចនេះហើយ សូម្បីតែធ្វើបុណ្យក៏ត្រូវចេះមើលមនុស្សដែរ។
៣. រិះថាំនឹងរបស់មិនសំខាន់
នៅពេលទៅផ្សារ ប្រសិនបើអ្នកមិនមានរបស់ដែលត្រូវទិញកត់ទុកទេ អ្នកអាចប្រើវិធីមួយទៀតដើម្បីកាត់បន្ថយចំណាយមិនចាំបាច់ នោះគឺ អ្នកត្រូវសួរខ្លួនឯងថា ប្រសិនបើអ្នកមិនទិញរបស់នោះ តើអ្នកពិបាកក្នុងការរស់នៅដែរ ឬអត់ ឬរបស់នោះគ្រាន់តែរបស់បន្ទាប់បន្សំ មិនចាំបាច់ ទោះបីជាមិនមានក៏គ្មានប៉ះពាល់អ្វីដល់ជីវភាពប្រចាំថ្ងៃ។ ការពិសោធន៍បានលើកឡើងយ៉ាងច្បាស់ថា មូលហេតុធ្វើឲ្យមនុស្សពេញវ័យមានការងារធ្វើ មិនសល់លុយគឺបណ្ដាលមកពីរបស់ដែលមិនចាំបាច់ លុះដល់អាយុជ្រេទើបគ្មានអ្វីជាដុំកំភួន៕