បះសក់! ប្រពន្ធៗនៅចិននាំគ្នាដាក់ថ្នាំអសមត្ថភាពផ្លូវភេទឲ្យប្តីផឹក ដើម្បីកុំឲ្យមានស្រីក្រៅ

2021-05-03 23:00:00
ចំនួនមតិ 0 | ចំនួនចែករំលែក 0

បណ្ដាញសង្គមចិនកំពុងតែផ្ទុះមតិចម្រូងចម្រាសក្រោយមានហេតុការណ៍ប្រពន្ធដាក់ថ្នាំអសមត្ថភាពផ្លូវភេទឲ្យប្តីផឹក ដើម្បីកុំឲ្យមានស្រីនៅក្រៅ។

រូបតំណាង

មុននេះបន្តិច អ្នកប្រើបណ្ដាញសង្គមចិន បានបង្ហោះអត្ថបទវែង ស្ដីពីហាងអនឡាញមួយ បានលក់ថ្នាំមួយប្រភេទដើម្បីឲ្យប្រពន្ធមួយចំនួន លាយចូលបាយឲ្យប្ដីរបស់ខ្លួន ដើម្បីឲ្យប្រដាប់ភេទរបស់ពួកគេមិនអាចដំណើរការបាន នាំមកនូវការបែកគ្នាជាមួយស្រីខាងក្រៅ។

បណ្ដាញព័ត៌មាន Morning Herald បានបន្ថែមឲ្យដឹងថា ស្ត្រីមេផ្ទះជាច្រើនបានចែករំលែកគ្នាថា វិធីនេះពិតជាបានការពិតប្រាកដមែន ដោយប្រពន្ធទាំងនេះថែមទាំងបានឲ្យដឹងទៀតថា ទាល់តែអស់រយៈពេល២សប្ដាហ៍ទើបថ្នាំចាប់ផ្ដើមឃើញប្រសិទ្ធិភាព។

“ប្ដីខ្ញុំចាប់ផ្ដើមអសត្ថភាពផ្លូវភេទ ហើយចេះតែសួរខ្លួនឯងថា ហេតុអ្វីៗ? កុំបន្ទោសខ្ញុំឲ្យសោះ ព្រោះខ្ញុំធ្វើបែបនេះគឺដើម្បីគ្រួសារទេ ខ្ញុំនឹងបន្តឲ្យប្ដីខ្ញុំញ៉ាំថ្នាំទៀត” នារីម្នាក់ដែលបានប្រើថ្នាំឲ្យដឹង។ អ្នកយកព័ត៌មានរបស់ប្រភពខាងលើបានរកប្រភពទិញថ្នាំដែរ តែរកមិនឃើញ ដល់ពេលសួររកថ្នាំ អ្នកលក់បានឲ្យដឹងថា ពួកគេមិនដាក់លក់ទេ តែនៅពេលទិញអ្វីផ្សេង ពួកគេនឹងដឹកថ្នាំនេះឲ្យ។

រូបតំណាង

តម្លៃថ្នាំនេះមានតម្លៃធូរគួរសម ដោយ ១០០ក្រាមតម្លៃ ២៦ដុល្លារ និង២០០ក្រាមថ្លៃ ៥០ដុល្លារ។ ដោយសារតែថ្នាំមានពណ៌ស និងគ្មានក្លិន ដូចនេះនៅពេលដាក់លាយជាមួយអាហារ គឺបុរសទាំងឡាយមិនអាចដឹងបានឡើយ៕

ប្រភព៖ vnexpress ប្រែសម្រួល៖ Caramel