ត្រូវមិត្តប្រុសទម្លាក់ចោលកណ្ដាលផ្លូវ ព្រោះសួរញ៉ាំអីមិនព្រមឆ្លើយ
- 2021-05-03 08:35:00
- ចំនួនមតិ 0 | ចំនួនចែករំលែក 0
ត្រូវមិត្តប្រុសទម្លាក់ចោលកណ្ដាលផ្លូវ ព្រោះសួរញ៉ាំអីមិនព្រមឆ្លើយ
ទោះក្ដីស្រលាញ់ធំប៉ុណ្ណា ក៏មិនអាចឈ្នះកម្ដៅដូចភ្លើងកណ្ដាលថ្ងៃ ដែលធ្វើឲ្យគូស្នេហ៍មួយគូឈ្លោះគ្នាកណ្ដាលផ្លូវ។
“ថ្ងៃនេះចង់ញ៉ាំអី” គឺជាសំនួរដែលគូសង្សារគ្រប់រូបតែងតែសួរគ្នា ប្រសិនបើអ្នកទាំង២មិនដាំបាយនៅផ្ទះខ្លួនឯង។ សម្រាប់គូស្នេហ៍ភាគច្រើន នេះមិនមែនជាបញ្ហាចោទឡើយ តែសម្រាប់គូស្នេហ៍មួយចំនួន នេះគឺជាបញ្ហាដ៏ធំ ដោយសារតែមិនមែនថ្ងៃណាក៏ដឹងថា គួរញ៉ាំអីនោះទេ។
ជាក់ស្ដែង ថ្មីៗនេះបំផុត គូស្នេហ៍មួយគូបានធ្វើឲ្យភ្ញាក់ផ្អើលពេញបណ្ដាញសង្គម ដោយសារពួកគេកាត់កេរ្តិ៍ កាត់ខ្មាស់ឈ្លោះគ្នាកណ្ដាលផ្លូវ ដោយសារតែសំនួរមួយនេះ។ តាមនោះដែរ បុរសម្នាក់បានឆ្មក់បានគូស្នេហ៍មួយគូនេះ មិនដឹងជិះមកពីណា មកត្រឹមចំណុចក្បែរផ្ទះលោក ខាងប្រុសក៏ដេញខាងស្រីចុះពីម៉ូតូ ហើយស្រែកដាក់គ្នាខ្លាំងៗតែម្ដង។
បើតាមសាក្សីដែលឃើញរឿងនេះ លោកបានបន្តថា នៅវេលាម៉ោង១២កណ្ដាលថ្ងៃត្រង់ ពួកគេបានឌុបគ្នាទៅរកអីញ៉ាំ តែក្រោយជិះជិត១ម៉ោង ហើយសួរទៅខាងស្រីដដែលៗថា ញ៉ាំអីនោះ នាងនៅតែឆ្លើយមិនដឹង ធ្វើឲ្យបុរសជាសង្សារត្រូវឆ្វែលចុះឡើងរាប់គីឡូដី។ ដល់ម៉ោង១ថ្ងៃ លោកទ្រាំមិនបាន ក៏ទម្លាក់នាង ហើយឈ្លោះគ្នាតែម្ដង។ ក្រោយពេលឈ្លោះគ្នាមួយសន្ទុះ នៅចំណុចដដែលនេះ ខាងប្រុសនៅតែសួរខាងស្រីថាចង់ញ៉ាំអី ខាងស្រីនៅតែឆ្លើយមិនបាន ខាងប្រុសក៏ចេញម៉ូតូទៅចោលតែម្ដង។ ក្រោយពេលសង្សារចេញចោល ខាងស្រីសម្ងំមួយសន្ទុះ ក៏ដើរចេញដូចគ្នា ដែលធ្វើឲ្យគេអាណិតផង តែក៏អស់សំណើចមិនតិចដែរ៕