ក្បាលពោះរាបស្មើស្អាតអត់កំប៉េងកំប៉ោងទេ! តោះ! ហាត់យូហ្គាលើកៅអី ៥ក្បាច់ពេលនៅផ្ទះ
- 2021-04-30 06:30:00
- ចំនួនមតិ 0 | ចំនួនចែករំលែក 0
ក្បាលពោះរាបស្មើស្អាតអត់កំប៉េងកំប៉ោងទេ! តោះ! ហាត់យូហ្គាលើកៅអី ៥ក្បាច់ពេលនៅផ្ទះ
ស្របពេលនឹងស្ថានភាពជំងឺកូរ៉ូណា មនុស្សម្នាក់ៗមានការប្រុងប្រយ័ត្នណាស់ក្នុងការធ្វើដំណើរចេញក្រៅនិងជួបជុំគ្នា។ ក្នុងចំណោមសកម្មភាពផ្សេងៗ ក្លឹបហាត់ប្រាណតូចធំក៏ត្រូវបានផ្អាកដំណើរការមួយរយៈសិនដើម្បីកាត់បន្ថយនៃការឆ្លងជំងឺកូវីដ១៩ ដូច្នោះហើយមិនថាប្រុសស្រីក្មេងចាស់ទេ ការហាត់ប្រាណគឺត្រូវតែធ្វើនៅផ្ទះរៀងៗខ្លួន។ ថ្ងៃនេះ ប្រិយមិត្តទាំងអស់គ្នានឹងបានដឹងក្បាច់យូហ្គាថ្មីប្លែក ងាយស្រួលសាមញ្ញ ដោយហាត់នៅលើកៅអីឈើតែម្តង។ ការហាត់បែបនេះវានឹងជួយសម្រកក្បាលពោះរបស់អ្នក ដោយអ្នកត្រូវហាត់តាម ៥ ក្បាច់ខាងក្រោមនេះ៖
ក្បាច់ទី ១៖ ទប់ខ្នងនៅលើកៅអីហើយត្រូវកំណត់សាច់ដុំលាតពីទ្រូងទៅស្មា
ដើម្បីហាត់ក្បាច់នេះ មិត្តនារីត្រូវអង្គុយលើកៅអីដាក់ដៃទៅក្រោយឲ្យត្រង់ លាតសន្ធឹងសាច់ដុំទ្រូងទៅស្មា។ អ្នកត្រូវប្រាកដថាសន្លាក់នៅត្រង់ស្មាក៏លាតដូចជាសាច់ដុំដែរ ការធ្វើបែបនេះនឹងជួយលុបបំបាត់ទម្លាប់កោងខ្នងរបស់អ្នកបាន។
ក្បាច់ទី ២៖ផ្អៀងជើងឆ្វេងលើជើងស្តាំ ដាក់ដៃស្តាំលើជង្គង់ឆ្វេង និងដៃឆ្វេងដាក់ទៅក្រោយ (ធ្វើឆ្លាស់គ្នាទៅវិញទៅមក)
គោលបំណងនៃការហាត់ក្បាច់នេះគឺការរមូដងខ្លួន តែត្រូវប្រាកដថាគូទរបស់អ្នកត្រង់ស្មើនិងត្រឹមត្រូវ។ ការធ្វើបែបនេះគឺតម្រូវឲ្យខ្លួនរបស់អ្នកផ្លាស់ប្តូរមុន បន្ទាប់មករំកិលក ធ្វើដូច្នោះដងខ្លួននិងស្មារបស់អ្នកនឹងនៅត្រង់ស្មើល្អ។
ក្បាច់ទី ៣៖ យកជើងឆ្វេងលើជើងស្តាំ យកដៃទប់កៅអី រួចលាតខ្នងឲ្យត្រង់ (ប្តូរពីម្ខាងទៅម្ខាង)
នៅពេលអ្នកដាក់ជើងឆ្វេងលើជើងស្តំា អ្នកត្រូវពង្រឹងខ្នងរបស់អ្នកឲ្យត្រង់ ហើយពត់ខ្លួនចុះឡើង។ សកម្មភាពនេះនឹងជួយធ្វើឲ្យសាច់ដុំភ្លៅក្រៅរបស់អ្នកបានស្រួល។
ក្បាច់ទី ៤៖ ភ្ជាប់ដៃសងខាងឲ្យត្រង់ ហើយពត់ខ្នងឲ្យកោង
សកម្មភាពនេះនឹងជួយឲ្យលាតសន្ធឹងក៏ដូចជាឲ្យសាច់ដុំខ្នងបានសម្រាកស្រួល។ នៅពេលអ្នកហាត់ក្បាច់បែបនេះ អ្នកនឹងមានអារម្មណ៍ថាស្រួលខ្លួន។
ក្បាច់ទី ៥៖ ទប់ខ្នង ហើយដាក់ដៃលើកៅអី
ក្បាច់ចុងក្រោយនោះគឺអ្នកត្រូវឈរឲ្យត្រង់ ហើយដាក់ដៃលើកៅអីឲ្យស្មើគ្នា។ សកម្មភាពបែបនេះមិនត្រឹមតែជួយពត់សាច់ដុំស្មានិងកប៉ុណ្ណោះទេ តែវាថែមទំាងជួយដល់ខ្នងអ្នកបានច្រើនទៀតឯណោះ៕
រូបភាព៖ Instagram nonbiri_yoga, Pinterest
ចុចអានបន្ត៖
២រឿងកុំធ្វើពេលព្រឹក ៣រឿងកុំប៉ះពេលយប់ និង១កុំធ្វើមុនចូលគេង នឹងជួយអ្នករស់បានយូរ ក្មេងជាងវ័យ