៦ វីធីដើម្បីជួយឲ្យស្រកខ្លាញ់ភ្លៅ និងត្រគាកដោយមិនចាំបាច់ហាត់ប្រាណ

2021-04-24 08:04:00
ចំនួនមតិ 0 | ចំនួនចែករំលែក 0

មនុស្សស្រីម្នាក់ៗមានរាងកាយមិនស្មើគ្នាឡើយ។ អ្នកខ្លះធាត់តែ ដៃជើងតូចៗ ធំតែក្បាលពោះ ចំណែកខ្លះទៀត ស្គមមែន តែមានដៃជើងធំៗ ត្រគាកក៏រីកទៅទៀត ដែលមើលទៅមិនសក្ដិសមទាល់តែសោះ។ ដើម្បីឲ្យស្រកទម្ងន់មានរាងស្អាតបានទាំងសុខភាពផងនោះ អ្វីដែលស្រីៗត្រូវធ្វើ គឺទៅហាត់ប្រាណឲ្យបានទៀងទាត់។ ប៉ុន្តែចំពោះស្ដ្រីដែលមិនមានពេលហាត់ប្រាណអាចសាកល្បងវិធីខាងក្រោម ដើម្បីឲ្យបានកំភ្លៅតូចស្រលូន ត្រគាកសមតាមបំណង៖

១. តមស្ករស

ត្រូវតែជៀសវាងជាដាច់ខាតក្នុងការញ៉ាំអាហារមានដាក់ស្ករស ដូចជាបង្អែម ការ៉េម ឬទឹកដោះគោខាប់នានា ដែលមានជាតិផ្អែមខ្លាំង។ ស្ករសមានកាឡូរីខ្ពស់ដែលធ្វើឲ្យអ្នកធាត់ខ្លាំង ដូច្នេះបើចង់ញ៉ាំរបស់ផ្អែម សូមញ៉ាំផ្លែឈើជំនួស។

២. កាត់បន្ថយអាហារមានជាតិម្សៅ

អាហារជាតិម្សៅដូចជា នំប៉័ង ឬបាយសជាដើម ដែលជាអាហារថាមពលមួយមនុស្សជាច្រើនមិនអាចខ្វះបាន។ ប៉ុន្តែបើអ្នកប្ដេជ្ញាចិត្តថានឹងធ្វើឲ្យបាន ដើម្បីសម្រកទម្ងន់ ដូច្នេះសាកល្បងកាត់បន្ថយ ឬបើអាចកុំញ៉ាំតែម្តង។ បើធ្វើបានក្នុង ១២ សប្ដាហ៍អ្នកអាចស្រកបាន ៥ គីឡូ នោះខ្លាញ់ត្រង់ភ្លៅ និងត្រគាកប្រកដជាស្រកមុនគេជាមិនខាន។

៣. ផឹកទឹកឲ្យច្រើន

ទឹកមានអត្ថប្រយោជន៍ច្រើន។ វាជួយលាងសម្អាតក្នុងខ្លួនរបស់អ្នក ម៉្យាងទៀតវាក៏ជួយធ្វើឲ្យអ្នកមិនសូវឃ្លានចំណីផ្ដេសផ្ដាស ដែលធ្វើឲ្យរក្សាទម្ងន់អ្នកបាន។

៤. ដាក់ម្រេចក្នុងអាហារ

អ្នកប្រាកដជាមិនដឹងទេថា ម្រេចខ្មៅជួយឲ្យអ្នកស្រកទម្ងន់បាន ហើយលឿនផងដែរ។ ម្រេចខ្មៅជួយពន្លឿនប្រព័ន្ធដុតបំផ្លាញកាឡូរីរបស់អ្នក ដែលជួយឲ្យអ្នកស្រកទម្ងន់បានលឿន។

៥. ញ៉ាំអាហារច្រើនដងតែម្ដងបន្តិច

អ្នកអាចញ៉ាំអាហារ ៤ ទៅ ៥ ដងក្នុងមួយថ្ងៃ។ ប៉ុន្តែមិនត្រូវញ៉ាំឆ្អែតពេកទេ គឺរាល់ពេលអ្នកញ៉ាំមួយល្មមៗ ហើយពេលបន្តបន្ទាប់បន្ថយបរិមាណអាហារឲ្យថយតិចទៅតិចទៅ។

៦. អង្គុយយកភ្លៅគាបសៀវភៅ

វិធីនេះគឺមានប្រសិទ្ធភាពខ្លាំងចំពោះអ្នកចង់បានជើងតូចៗស្រឡូន។ ដោយគ្រាន់តែអង្គុយនៅស្ងៀមយកជើងគាបសៀវភៅដូចក្នុងរូប រយះពេល ៣០ នាទីទៅ ១ ម៉ោងជារៀងរាល់ថ្ងៃ អ្នកនឹងទទួលបានជើងតូចស្រលូន៕