ចរិតយ៉ាប់៧របស់បុរស ដែលអ្នកមិនគួរបន្តស្រលាញ់នាំតែខូចចិត្តពេញមួយជីវិត

2021-04-14 07:00:00
ចំនួនមតិ 0 | ចំនួនចែករំលែក 0

បើសង្សាររបស់អ្នកមានលេចសញ្ញាទាំង៧ដូចខាងក្រោម អ្នកគួរតែដកខ្លួនឲ្យហើយទៅ។ ព្រោះមិនខុសពីកំពុងចំណាយពេលស្រលាញ់មនុស្សខុសទេ ថែមទាំងធ្វើឲ្យអ្នកឈឺចាប់ពេញមួយជីវិតដោយសារគាត់ទៀតផង។

១. បង្ហាញខ្លួន រួចក៏បាត់ខ្លួនវិញប្រៀបដូចនិនចា

មនុស្សប្រុសរបៀបចង់មកក៏មក ចង់ទៅក៏ទៅដូចនិនចាមិនច្បាស់លាស់បែបនេះ កុំខាតពេលជាមួយអី។ នេះបង្ហាញពីការមិនចេះយកចិត្តទុកដាក់របស់គាត់មកលើអ្នក ព្រោះពេលអវត្តមានគាត់ យ៉ាងហោចណាស់ក៏គួរប្រាប់មួយម៉ាត់។ មិនមែនមកវិញទើបយកលេសថាជាប់មើលម្ដាយឈឺ ប្អូនជាប់ប្រលង ឬឆ្កែងាប់នោះទេ។

២. ប្រាប់ថាស្រលាញ់ តែមិនដែលលាតត្រដាង មនុស្សប្រុសសំដីផ្អែមងាយនិយាយពាក្យថាស្រលាញ់ តែបើទង្វើវិញគឺថាចប់តែម្ដង។ គាត់មិនដែលធ្វើឲ្យអ្នកហ៊ានជឿទុកចិត្តដូចសំដីរបស់គាត់និយាយសោះ ព្រោះគាត់គ្រាន់តែនិយាយតែទង្វើអត់មាន។ បើអ្នកនៅលង់លើមនុស្សប្រុសបែបនេះ អ្នកច្បាស់ជាតឹងទ្រូងរាល់ថ្ងៃមិនខាន ។

៣. លាក់រឿងស្ទើរគ្រប់យ៉ាង

ជាសង្សារនឹងគ្នា តែសូម្បីថ្ងៃកំណើតគាត់ក៏លាក់ គាត់ជួបរឿងលំបាកអ្វីខ្លះក៏មិនដែលប្រាប់រហូតដល់អ្នកស្អី ក៏គ្មានដឹងដែរ។ មនុស្សស្រលាញ់គ្នា គួរតែចែករំលែករឿងរ៉ាវខ្លះៗឲ្យដៃគូបានដឹង ដើម្បីជជែកនិងពិភាក្សាគ្នា ប៉ុន្តែគាត់វិញលាក់គ្រប់យ៉ាង ដូចអ្នកដទៃទៅវិញ។ មនុស្សប្រុសបើលាក់គ្រប់រឿងបែបនេះ អ្នកក៏មិនចាំបាច់ដឹងដឹងដែរ ព្រោះគ្មានប្រយោជន៍អ្វីឡើយ។

៤. មានអារម្មណ៍ខឹងនិងធុញទ្រាន់គ្រប់ពេល

គីតថាស្រលាញ់គ្នា គួរផ្ដល់អារម្មណ៍ល្អ រីករាយឲ្យគ្នា តែជួបមុខគ្នាបែរជាមានតែរឿងអត់សប្បាយចិត្តទៅវិញ។ គាត់អាចញញឹម និយាយរឿងកំប្លែងជាមួយអ្នកដទៃ តែពេលជួបមុខអ្នក បែរជាគ្មានសូម្បីរឿងសប្បាយជជែកលេងជាមួយអ្នកទៅវិញ។ មនុស្សប្រុសកំណាញ់បែបនេះ បើនៅស្រលាញ់ទៀតដូចកាន់ដាវទុកសម្លាប់ខ្លួនឯងអ៊ីចឹង។

៥. រវល់ជាងគេលើលោក

អ្នកក៏ចង់ Check in កន្លែងរួមគ្នាជាមួយសង្សារពេលទៅណាមកណាដែរ តែងាកមកសង្សារវិញមនខុសពីកំពូលមនុស្សរវល់ជាងគេលើលោកនោះទេ។ ថ្វីដ្បិតថាមនុស្សគ្រប់គ្នាត្រូវយកពេលវេលាគិតលើការងារ ឬសិក្សា តែបើណាត់ពេលណាក៏រវល់ នោះអ្នកគួរពិចារណាឡើងវិញហើយ។ អ្នកតែងតែឆ្លើយ Ok ពេលគាត់ហៅអ្នកចេញក្រៅ តែពេលអ្នកចង់ហៅគាត់វិញ គាត់បែរជាគ្មានពេល។ បែបនេះ គាត់មិនខុសពីអាត្មានិយមពេកទេ ព្រោះគាត់ធ្វើសម្រាប់តែតម្រូវការខ្លួនឯង។

៦. ដៃដូចមឹក តែងចង់ប៉ះពាល់រាងកាយអ្នកជានិច្ច

ដឹងថាគូស្នេហ៍ស្រលាញ់គ្នា ចៀសមិនផុតពីកាន់ដៃគ្នា ឬអាចថើបគ្នាបន្តិចបន្តួចនោះទេ តែបើស្ទើរគ្រប់ពេលគាត់បង្ហាញបែបនេះ អ្នកត្រូវប្រយ័ត្ន។ គាត់មិនមែនក្នាញ់អ្នកនឹកអ្នកឡើយ តែគាត់គ្រាន់ចង់លួងលោមអ្នកជាល្បែងលើគ្រែជាមួយគាត់ប៉ុណ្ណោះ។ បើគាត់មានសកម្មភាពបែបនេះ បង្ហាញពីការមិនគោរពដៃគូ ហើយវាជារឿងធំដែលអ្នកមិនគួរមិនអើពើឡើយ។

៧. ជាមនុស្សអាថ៌កំបាំង

គាត់មិនដែលគិតចង់បង្ហាញមនោសញ្ចេតនារបស់អ្នកទាំងពីរឲ្យអ្នកដទៃដឹង។ ទោះស្នេហាជារឿងរបស់មនុស្សពីរនាក់ក៏ដោយ តែបើគាត់គ្មានសូម្បីណែនាំអ្នកឲ្យជួបមិត្តគាត់ ក្រុមគ្រួសារគាត់ នោះដូចជាចម្លែកពេកហើយ។ ពេលខ្លះ អ្នកក៏ចង់ឲ្យគាត់ធ្វើរឿងរ៉ាវខ្លះនៅមុខអ្នកដទៃដែរ តែគាត់បែរទុកអ្នកនៅកន្លែងអាថ៌កំបាំង នោះមានន័យថាគាត់មិនសូវផ្ដល់ភាពសំខាន់សម្រាប់អ្នកគ្រប់គ្រាន់ឡើយ។

បើអ្នកកំពុងជួបមនុស្សប្រុសក្នុងស្ថានការណ៍បែបនេះ យកល្អកុំបន្តអី។ បាត់បង់បុរសបែបនេះ ល្អជាងព្រោះអ្នកគ្មានថ្ងៃរកសុភមង្គលពិតទេ។ ដូច្នេះកាត់មនុស្សម្នាក់នេះចេញពីបេះដូងឲ្យលឿនកាន់តែល្អ ហើយបើកឱកាសឲ្យមនុស្សថ្មីវិញប្រសើរជាង៕

ចុចអាន៖ នេះគឺជាអ្វីដែលអ្នកនឹងទទួលបាន នៅពេលស្រាប់តែមិត្តជិតស្និទ្ធ Crush លើអ្នកណាម្នាក់

ប្រភព៖ sistacafe ប្រែសម្រួល៖ លឹម សុនា