អ្នកតែងសួរថាត្រូវរឹងមាំឬទន់ជ្រាយពេលគេចាកចេញ តែនេះជាការសម្រេចចិត្តរបស់អ្នក

2021-04-14 08:00:00
ចំនួនមតិ 0 | ចំនួនចែករំលែក 0

ស្នេហាបានផ្ដល់រឿងជាច្រើនសម្រាប់ខ្ញុំ តែក៏បានយករឿងជាច្រើនពីខ្ញុំដែរ។ មិនមែនមនុស្សស្រីគ្រប់រូបសុទ្ធតែរីករាយពេលធ្លាក់អន្លង់ស្នេហ៍ទេ។ នៅពេលបែកបាក់អារម្មណ៍ចង់ចាកចេញ ហើយរឿងរ៉ាវដែលនៅសេសសល់នឹងបន្សល់នូវភាពឈឺចាប់។

ស្រលាញ់មនុស្សម្នាក់មិនខុសទេ អ្វីដែលខុសគឺខ្ញុំធ្វើឲ្យខ្លួនឯងឈឺចាប់ ។ វាក៏មិនខុសសម្រាប់មនុស្សដែលគេបានចាកចេញដែរ។ បើគេស្រលាញ់ គេនឹងមិនបណ្ដោយឲ្យម្នាក់ៗរងទុក្ខបែបនេះទេ ហើយគ្មានអ្នកណាចង់ក្លាយជាអ្នកដទៃដែរ ពិសេសមនុស្សដែលធ្លាប់ស្រលាញ់គ្នា។

ការឈ្លោះ ខឹងគ្នា ដែលធ្លាប់តែដោះស្រាយបានដោយការនិយាយពាក្យសុំទោស ការឱប និងថើប ធ្វើឲ្យយើងចង់ត្រូវរ៉ូវគ្នាវិញ។ ប៉ុន្តែថ្ងៃដែលអារម្មណ៍ពួកយើងរត់បញ្ច្រាសគ្នា វិធីលួងលោមបែបនេះទោះមួយពាន់ដងទៀតក៏មិនអាចទៅរួចដែរ។ មិនបាច់ស្តីបន្ទោសអ្នកណាទេ ហើយក៏មិនបាច់ដាក់បន្ទុកលើមនុស្សប្រុសម្នាក់នោះដែរ ព្រោះពេលខ្លះវាសនារបស់ពួកយើងគឺផុយស្រួយពេកដើម្បីកាន់ដៃគ្នាទៅមុខទៀត ដូច្នេះមានតែស្ងៀមស្ងាត់បែបនេះ។ ប្រហែលជាត្រូវដាក់សំនួរថា តើទីបំផុតបានធ្វើអ្វីខុស? តើអាចប្រើហេតុផលដើម្បីកុំឲ្យស្រលាញ់នរណាបានឬអត់? ចម្លើយគឺអត់ទេ។

ប្រហែលមានតែពេលវេលាទើបអាចធ្វើឲ្យខ្ញុំភ្លេចគេ។ អ្នកទៅគ្មានថ្ងៃយល់អារម្មណ៍អ្នកនៅស្រលាញ់ទេ ប៉ុន្តែបើបង្ខំខ្លួនឯងឲ្យឈឺចាប់ទៀត នោះប្រៀបដូចជាការសម្រេចចិត្តដ៏គួរឲ្យអស់សំណើចបំផុត។ អនុស្សាវរីយ៍អាចនឹងនៅដិតដាមក្នុងចិត្តខ្ញុំ ប៉ុន្តែក្នុងពិភពលោកនេះ ការឈឺចាប់មិនអាចរស់ដល់ជីវិតអមតៈឡើយ ។ ថ្ងៃណាមួយ អ្នកប្រាកដជារកឃើញ Mr.Right ដែលកាន់ដៃអ្នកទទួលផ្កាស្លា និងរង់ចាំមើលថែអ្នកពេញមួយជីវិត។ រឿងទាំងអស់នេះនឹងកើតឡើង នៅពេលអ្នកចាប់ផ្ដើមអនុវត្តស្រលាញ់ខ្លួនឯង៕

ចុចអាន៖ ចរិតយ៉ាប់៧របស់បុរស ដែលអ្នកមិនគួរបន្តស្រលាញ់នាំតែខូចចិត្តពេញមួយជីវិត

ប្រភព៖ Guu ប្រែសម្រួល៖ លឹម សុនា