បើមានសញ្ញាបែបនេះ គេប្រហែលជាចង់ទាក់ទងអ្នកហើយ!
- 2021-04-16 01:00:00
- ចំនួនមតិ 0 | ចំនួនចែករំលែក 0
បើមានសញ្ញាបែបនេះ គេប្រហែលជាចង់ទាក់ទងអ្នកហើយ!
អ្នកណាទៅដឹងថាស្នេហាអាចកើតឡើងគ្រាន់តែឃើញភ្លាមស្រលាញ់ភ្លែតក៏ថាបាន។ អ្នកខ្លះទម្រាំបានទាក់ទងគ្នានឹងត្រូវប្រើពេល ប្រើវិធីដើម្បីទាក់ទងទៅមនុស្សដែលខ្លួនស្រលាញ់ឲ្យគេដឹង ហើយក៏មានអ្នកខ្លះទៀតមិនមានភាពក្លាហានក្នុងការបង្ហាញក្តីស្រលាញ់ឲ្យទៅនារីដែលខ្លួនកំពុងចាប់អារម្មណ៍បានដឹង។ តែប្រសិនបើអ្នកកត់សម្គាល់ឃើញតាមចំណុចខាងក្រោមនេះ គេប្រហែលជាចង់ទាក់ទងអ្នកមែនទែនហើយ។ ចំណុចទាំងនោះរួមមាន៖
១. ធ្វើពុតជានិយាយបន្លាចអ្នក
មនុស្សប្រុសចូលចិត្តមនុស្សស្រីពេលខ្លាចឬភ្ញាក់ផ្អើលរឿងអីមួយ ដែលបង្ហាញពីមន្តស្នេហ៍។ ដូច្នេះអ្នកអាចកត់សម្គាល់បានថា គេចូលចិត្តលលេងនឹងចិត្តអ្នក ធ្វើឲ្យអ្នកមានអារម្មណ៍ធុញដើម្បីឲ្យខ្លួនគេមានភាពជិតស្និទ្ធជាមួយអ្នកបានច្រើន។
២. កាយវិការប្រាប់ពីចិត្ត
តាមរយៈអាកប្បកិរិយារបស់គេក៏អាចបង្ហាញឲ្យអ្នកដឹងដែរ។ ពេលខ្លះការប៉ះរវាងគេនិងអ្នកអាចដឹងបានភ្លាមតែម្តង ប្រសិនបើគេពិតជាមានអារម្មណ៍មកលើអ្នក។ ភ្លាមៗនោះដែរ បើគេមានអារម្មណ៍អៀនអ្នកច្បាស់ណាស់ ថាគេចង់ទាក់ទងអ្នក។
៣. សម្លេងមិនប្រក្រតី
ជារឿងធម្មតាទេ ពេលនិយាយជាមួយមនុស្សធម្មតាសម្លេងនរណាៗក៏ធម្មតាដែរមែនទេ? ប៉ុន្តែក្រៅពីក្រសែភ្នែក អ្នកក៏អាចកត់សម្គាល់ពីអារម្មណ៍របស់គេចំពោះអ្នកបានដែរ។ ឧទាហរណ៍ គេមិនមានទំនុកចិត្តគ្រប់គ្រាន់ពេលនិយាយជាមួយអ្នកដូចជា និយាយត្រដិតមិនច្បាស់ជាដើម ព្រោះគេអៀនអ្នកនោះអី។
៤. ចូលចិត្តធ្វើត្រាប់តាមអ្នក
ងាយដឹងបានតាមរយៈពាក្យសម្តី កាយវិការ ឬសម្ភារៈប្រើប្រាស់ផ្សេងៗគឺកើតឡើងតាមរយៈការឃ្លាំមើលនិងត្រាប់តាម។ ប្រសិនបើគេមិនតាមដានអ្នកធ្វើម៉េចគេនឹងដឹងថាអ្នកចូលចិត្តធ្វើអ្វី ប្រើអ្វី មានកាយវិការយ៉ាងម៉េច? ហេតុដូចនេះ ខណៈពេលអ្នកឃើញគេមានចំណុចបែបនេះមានន័យថាបុរសម្នាក់ហ្នឹងកំពុងតាមដានអ្នកជាសំងាត់ហើយ។
៥. ក្រសែភ្នែក
ដូចជាគេចំណាំនិយាយថា ក្រសែភ្នែកបញ្ជាក់ពីចិត្ត។ អ្នកអាចប្រៀបធៀបរវាងក្រសែភ្នែកមិត្តភក្តិរបស់អ្នកនិងគេបានថាខុសគ្នាយ៉ាងម៉េច។ បើគេសម្លឹងមកអ្នកពោរពេញដោយក្រសែភ្នែកពេញចិត្តពេលបានជួបអ្នក ច្បាស់ណាស់ថាគេចូលចិត្តអ្នកមែនហើយ។
៦. ឧស្សាហ៍និយាយជាមួយអ្នក
សាកគិតមើលទៅប្រសិនបើត្រឹមជាមិត្តភក្តិធម្មតា និយាយជាមួយគ្នាបែបធម្មតារឿងទូទៅ តែបើគេតែងបបួលអ្នកជជែកពីនេះពីនោះរឿយៗមានន័យថាគេកំពុងតែញ៉ែអ្នកហើយ។ ទោះបីជារឿងមិនសំខាន់ក៏ដោយ ក៏គេនៅតែបបួលអ្នកជជែកដូចជា សួរសំនួរផ្ទាល់ខ្លួនអ្នក ឬប្រាប់អ្នកពីរឿងផ្ទាល់ខ្លួនរបស់គេមកកាន់អ្នកជាដើម។
ចុចអានបន្ត៖
នារីសម័យថ្មីចង់ចងចិត្តបុរសគួរមាន ៣ ចំណុចនេះ!