អ្នកគួរដោះស្រាយបែបណា ពេលជួបឧបគ្គក្នុងខែមេសានេះ សាករើសកាតមួយ
- 2021-04-13 07:15:00
- ចំនួនមតិ 0 | ចំនួនចែករំលែក 0
អ្នកគួរដោះស្រាយបែបណា ពេលជួបឧបគ្គក្នុងខែមេសានេះ សាករើសកាតមួយ
ឆ្លងកាត់តាមរយៈការរើសកាតមួយ អ្នកនឹងដឹងពីរបៀបដោះស្រាយបែបណាចំពោះឧបសគ្គដែលអ្នកជួបប្រទះក្នុងខែមេសានេះ។
កាតទី១
កាតនេះក្រឿនរំលឹកឲ្យអ្នកត្រូវរៀនទទួលស្គាល់ការលំបាកដែលអ្នកកំពុងប្រឈមក្នុងខែមេសានេះ។ នៅពេលអ្នកចេះទទួលស្គាល់ហើយ អ្នកនឹងចាប់ផ្តើមប្រែខ្លួនឯងជាមនុស្សរឹងមាំជាងមុន និងចាស់ទុំជាងមុនផងដែរ។ លើសពីនេះ កាតនេះក៏រំលឹកដល់អ្នកថា ប្រហែលជាអ្នកចាំបាច់ត្រូវថយមួយជំហានដើម្បីសម្រចគោលដៅនៅពេលអនាគត។ បន្ថែមពីនេះ កាតនេះក៏ផ្តល់ដំបូន្មានថា មិនត្រូវយកប្រាក់ទៅបណ្តាក់ទុន ឬមានចេតនាមោះមុតចង់រកស៊ីក្នុងអំឡុងពេលនេះទេ ។ លុះត្រាតែមុខជំនួញទាំងនោះគឺធ្វើឡើងសម្រាប់ឲ្យអ្នកទុករៀនសូត្រ ឬពង្រឹងជំនាញបន្ថែមទៀត តែប៉ុណ្ណោះ។
កាតទី២
កាតនេះបានផ្ញើរសាមកថា ប្រសិនបើអ្នកមិនព្រមផ្លាស់ប្តូរចិត្តគំនិតទេ អ្នកនឹងគ្មានថ្ងៃបានល្អប្រសើរឡើយ។ ឧបសគ្គដែលអ្នកបានជួបក្នុងជីវិត គឺជាមេរៀនដែលហ្វឹកហាត់ឲ្យអ្នកក្លាយជាមនុស្សថ្មីសម្រាប់ខ្លួនឯង។ ថ្វីដ្បិតការផ្លាស់ប្តូរវាពិបាកបន្តិចមែន តែវាផ្តល់នូវអត្ថប្រយោជន៍ច្រើន ហេតុនេះ ទើបកាតនេះក៏រំលឹកដល់អ្នកផងដែរថា កំហុសអ្វីក៏ដោយកាលពីអតីតកាល គ្រប់យ៉ាងបានរត់មកនៅក្រោយខ្នងអ្នកអស់ហើយ ដូច្នេះគួរតែត្រៀមខ្លួនឲ្យបានរួចរាល់ចាប់ផ្តើមអ្វីថ្មី ដោយផ្តោតលើមេរៀនពីមុនដែលអ្នកបានទទួលបទពិសោធន៍វិញ។
កាតទី៣
កាតនេះបង្ហាញថា ប្រសិនបើអ្នកត្រូវសម្រេចចិត្តលើរឿងអ្វីមួយអំឡុងពេលនេះ សូមស្តាប់តាមបេះដូងរបស់អ្នក។ ត្រូវឲ្យវិចារណញ្ញាណបង្រៀននិងដឹកនាំអ្នក ព្រមទាំងជឿលើអ្វីដែលគិត។ ម្យ៉ាងទៀត កាតនេះក៏បង្ហាញថា អ្នកត្រូវនាំផ្លូវចិត្តរបស់ខ្លួនឯងឲ្យទៅរកភាពស្ងប់ស្ងាត់ជាងមុន ព្រមទាំងមានលំនឹងផ្លូវចិត្តផងដែរ។ មជ្ឈដ្ឋានជុំវិញ គឺជាកត្តាសំខាន់បំផុតក្នុងជីវិតរបស់អ្នកនៅពេលនេះ។ ទន្ទឹមនឹងនេះ កាតក៏ណែនាំឲ្យអ្នក គួរចេះស្តាប់មតិយោបល់អ្នកដទៃឲ្យបានច្រើន ព្រមទាំងខ្លួនអ្នកផ្ទាល់ត្រូវបើកចិត្តទូលាយ ដើម្បីឲ្យគេហ៊ាននិយាយដោយបើកចំហផងដែរ។