បវរកញ្ញា Miss World ឡាវពាក់មកុដបានតែ ៣ថ្ងៃគត់ ត្រូវគេដកហូតវិញ
- 2021-04-06 03:00:00
- ចំនួនមតិ 0 | ចំនួនចែករំលែក 0
បវរកញ្ញា Miss World ឡាវពាក់មកុដបានតែ ៣ថ្ងៃគត់ ត្រូវគេដកហូតវិញ
បើតាមគម្រោងដំបូង ស្រីស្អាតមកពីប្រទេសឡាវរូបនេះ នឹងត្រូវតំណាងប្រទេសខ្លួនឯងដើម្បីទៅប្រលងលើឆាកអន្តរជាតិ Miss World។
កាលពីថ្ងៃទី ១ ខែមេសាកន្លងទៅនេះ ការប្រកួតវគ្គផ្ដាច់ព្រ័ត្ររបស់បវរកញ្ញាប្រទេសឡាវ Miss World Laos ត្រូវបានសម្ដែងឡើង ដោយមានបេក្ខនារីចូលរួមរាប់សិបនាក់។ នៅទីបំផុត ស្រីស្អាត Phongsavanh Souphavady បានក្លាយជាបវរកញ្ញាឯក ជាមួយសម្រស់ដ៏ស្រស់ស្អាត ក៏ដូចជាចំណេះដឹងដ៏ជ្រៅជ្រះរបស់ខ្លួន។
យ៉ាងណាក្ដី ក្រោយពេលពាក់មកុដបានត្រឹមតែមួយយប់ នៅព្រឹកថ្ងៃបន្ទាប់ ស្រីស្អាតរូបនេះ ត្រូវបានមហាជនរិះគន់ជាខ្លាំង ដោយពួកគេបានលើកឡើងថា នាងមិនសមនឹងតំណែងនេះឡើយ។ ជាក់ស្ដែងមូលហេតុដែលធ្វើឲ្យនាងរងការរិះគន់ធ្ងន់ធ្ងរយ៉ាងនេះនោះគឺ នាងបានក្លែងបន្លំអាយុរបស់ខ្លួន ដើម្បីចូលប្រលងនៅក្នុងកម្មវិធីឆ្នាំនេះ។
តាមនោះដែរ កាលពីឆ្នាំ ២០០៧ នាងបានឆ្លើយថាខ្លួនមានអាយុ ១៦ឆ្នាំ ដូចនេះ នៅក្នុ្ងងឆ្នាំនេះ នាងមានអាយុ ៣០ឆ្នាំហើយ មិនមែនអាយុ ២៦ឆ្នាំឡើយ។ តាមការពិតទៅ អាយុ៣០ឆ្នាំ ក៏នៅតែអាចចូលប្រកួតក្នុងកម្មវិធីបានដែរ តែការដែលនាងឆ្លើយបន្លំអាយុនេះ បានធ្វើឲ្យគេខឹងជាខ្លាំង។
ដល់ថ្ងៃទី ៤ ខែមេសា នៅលើបណ្ដាញសង្គមរបស់ខ្លួនបវរកញ្ញារូបនេះ បានប្រកាសថា ខ្លួននឹងសងមកុដ និងសិទ្ធិតំណាងប្រទេសខ្លួនទៅប្រកួតលើឆាកអន្តរជាតិ ឲ្យអ្នកដទៃវិញ។ តាមលទ្ធផលនេះដែរ ស្រីស្អាតមកពីឡាវខាងលើ ធ្លាក់ចូលក្នុងចំណោមបវរកញ្ញាដែលមានពេលពាក់មកុដខ្លីបំផុត បានត្រឹម៣ថ្ងៃប៉ុណ្ណោះ៕