សម្ដី ៣ឃ្លារបស់មនុស្សប្រុសជួយឲ្យមនុស្សស្រីជឿទុកចិត្តជាទីបំផុត

2021-04-04 11:22:00
ចំនួនមតិ 0 | ចំនួនចែករំលែក 0

គេថាមនុស្សប្រុសស្រលាញ់តាមរយៈភ្នែក មនុស្សស្រីស្រលាញ់តាមរយៈត្រចៀក ពិតជាមិនខុសឡើយ។ ខាងប្រុសបើចង់ឲ្យខាងស្រីជឿទុកចិត្តយើងខ្លាំង អាចប្រើឃ្លាទាំង៣នេះបានដើម្បីឲ្យនាងស្ងប់ចិត្ត។

១. កុំបារម្ភ មានបងនៅទីនេះហើយ

មិនថាអ្នកណា ឬអ្នកណា តែងតែមានកាលៈទេសៈទាល់ច្រកនៅក្នុងជីវិតម្ដងម្កាល។ នៅពេលនោះហើយ គឺជាពេលដែលត្រូវការអ្នកដែលនៅក្បែរខ្លួនដើម្បីលើកទឹកចិត្តជាទីបំផុត។ ប្រសិនបើមិត្តស្រីរបស់អ្នកកំពុងស្ថិតនៅលើផ្លូវទាល់ អ្នកគ្រាន់តែទៅជិតនាង អោបនាងឲ្យណែន ហើយប្រាប់ថាមានអ្នកនៅទីនេះហើយ កុំបារម្ភទៀត នាងនឹងបានធូរចិត្តខ្លាំងណាស់។

២. បើអូនហត់ សម្រាកសិនទៅ

ដោយសារតែសម្ពាធសង្គម សម្ពាធគ្រួសារ ទោះបីជាខ្លួនឈឺ ឬមិនស្រួលខ្លួនយ៉ាងណា ក៏ត្រូវប្រឹងធ្វើការទាំងត្រដរ ដល់ថ្នាក់មិនស្គាល់ខ្លួនឯងជាអ្នកណា។ នៅពេលទាំងនេះ គឺជាពេលដែលនាងងាយរងនឹងជំងឺបាក់ទឹកចិត្តបំផុត។ នៅពេលដែលឃើញនាងហត់បែបនេះ អ្នកអាចចែករំលែក ដោយប្រាប់ថា នាងអាចដកឃ្លាមួយរយៈសិន ចាំអារម្មណ៍រាងស្រឡះបន្តិចចាំបន្តទៀត ព្រោះបើប្រឹងទាំងងងឹតមុខក៏លទ្ធផលចេញមកមិនល្អដែរ។

៣. កុំព្រួយ ចាំបងចាត់ចែងឲ្យ

នៅពេលដែលអ្នកវង្វេងទិសតំបន់ មិនដឹងថាត្រូវចាប់មួយណា ព្រលែងមួយណានោះ អ្វីដែលចង់បានបំផុតនោះគឺ អ្នកដែលអាចប្រាប់ពីទិសដៅដែលអ្នកគួរដើរបន្តទៀត។ ដូចនេះហើយ ប្រសិនបើមិត្តស្រីរបស់អ្នកកំពុងតែមិនដឹងថាខ្លួនគួរបន្តទៅផ្លូវមួយណានោះ សូមអ្នកដើរតួជាអ្នកដើរមុខ ហើយនាំផ្លូវនាងវិញ ប្រៀបដូចជាអ្នកបំភ្លឺផ្លូវឲ្យទៅនាងវិញ ព្រោះនេះគឺជាអ្វីដែលនាងកំពុងចង់បានបំផុត នៅពេលដែលខ្លួនមិនអាចសម្រេចថា ខ្លួនគួរជ្រើសផ្លូវមួយណា៕

ប្រភព៖ Phunutoday ប្រែសម្រួល៖ Caramel