Tao ទិញយន្តហោះឯកជនក្រោយ ស្នងមរតក ៣០០០លានដុល្លារ
- 2021-03-04 02:40:00
- ចំនួនមតិ 0 | ចំនួនចែករំលែក 0
Tao ទិញយន្តហោះឯកជនក្រោយ ស្នងមរតក ៣០០០លានដុល្លារ
ក្រោយពេលស្នងមរតកលុយដ៏ច្រើនមហិមារ តារាចម្រៀងល្បីឈ្មើចិន Tao មានជីវិតពោរពេញទៅដោយភាពសប្បាយរីករាយជាមួយមិត្តភ័ក្ដិរបស់ខ្លួន។
កាលពីថ្ងៃទី ៣ ខែមីនាកន្លងទៅនេះ បណ្ដាញព័ត៌មាន Sina បានរាយការណ៍ថា តារាចម្រៀងល្បីឈ្មោះចិន Tao បានចែករំលែកកម្រងរូបភាពសប្បាយរីករាយរបស់ខ្លួន និងតារាសម្ដែងប្រុស Peng Yu Chang នៅលើយន្តហោះឯកជនរបស់ខ្លួន។ នៅក្នុងចំណោមតារាចិនស្រករក្រោយទាំងអស់ មានតែ អតីតសមាជិកក្រុមចម្រៀង EXO រូបនេះទេ ដែលមានលទ្ធភាពប្រើយន្តហោះឯកជនបែបនេះ។
បណ្ដាញព័ត៌មាន SCMP បានឲ្យដឹងថា ម្ចាស់បទ Call Me Baby ទើបតែស្នងមរតក៣ពាន់លានដុល្លារ ពីឪពុករបស់ខ្លួន ដែលជាអ្នកមានទី៧ នៅកោះ Qing Dao។ ខុសពីអ្នកដទៃ ដែលមិនចង់បង្ហាញពីទ្រព្យរបស់ខ្លួននោះ ប្រុសស្អាត ២៧ឆ្នាំ មិនក្រែងក្នុងការបង្ហាញពីក្ដីសុខរប់សខ្លួនឡើយ។ ប្រភពព័ត៌មានដដែលបានឲ្យដឹងថា យន្តហោះឯកជនដែលមានតម្លៃជាង១០លានដុល្លារនេះ ត្រូវចំណាយជាង២លានដុល្លារ ក្នុង១ឆ្នាំទៀត ដើម្បីធ្វើការថែរក្សា។
ក្រៅពីយន្តហោះ តារាប្រុសរូបនេះក៏ចូលចិត្តទិញឡានលំដាប់កំពូលដូចជា Lamborghini, Aston Martin, Rolls Royce, Ferrari ជាដើម។ ឡានដែលថ្លៃជាងគេរបស់លោកគឺ Lamborghini LP700-4 ដែលមានតម្លៃ ១,២លានដុល្លារ។ ដោយសារតែសមត្ថភាពសម្ដែងហាក់មិនទាន់ស្ទុះនៅឡើយ ទើបនៅពេលនេះ តារាកើតឆ្នាំ ១៩៩៣ ផ្ដោតតែលើចម្រៀងសិន៕