បង្ហើបមូលហេតុដែលធ្វើឲ្យមនុស្សប្រុសងាយសាវាជាងមនុស្សស្រី

2021-03-03 16:00:00
ចំនួនមតិ 0 | ចំនួនចែករំលែក 0

បែកចិត្តសាវាគឺជាមូលហេតុដែលធ្វើឲ្យមនោសញ្ចេតនាមួយស្លាប់លឿនបំផុត។ ក្បត់មនុស្សដែលខ្លួនស្រលាញ់ មិនត្រឹមតែធ្វើឲ្យគេឈឺចាប់នោះទេ វានឹងធ្វើឲ្យគេភ័យខ្លាចនឹងស្នេហារហូតដល់ថ្នាក់អ្នកខ្លះមិនហ៊ានស្នេហាទៅថ្ងៃក្រោយក៏មាន។ យោងតាមការស្ទង់មតិ អត្រាភាគរយមនុស្សប្រុសសាវាគឺច្រើនជាង មនុស្សស្រី ហើយនេះគឺជាមូលហេតុដែលធ្វើឲ្យគេមានគំនិតបែបនេះ។

១. ធម្មជាតិមនុស្សប្រុស

មូលហេតុដែលធំជាងគេ ក៏ដូចជាងាយប្រទះឃើញជាងគេផងដែរនោះគឺ អត្តចរិតដើមរបស់មនុស្សប្រុសតែម្ដង។ ទោះបីជាមានមនុស្សជាទីស្រលាញ់ហើយក្ដី តែមនុស្សប្រុសមួយចំនួននៅតែមានចិត្តមួយគិតថាមិនគ្រប់គ្រាន់។ បន្ថែមពីនេះ គេចង់តេស្តសមត្ថភាពខ្លួនឯងថា តើខ្លួនអាចរកបានស្នេហាចំនួនប៉ុន្មានក្នុងពេលតែមួយ។

២. មានទំនាក់ទំនងក្នុងសង្គមច្រើន

ធៀបនឹងមនុស្សស្រីទូទៅ មនុស្សប្រុសមានទំនាក់ទំនងនៅក្នុងសង្គមច្រើនជាង។ ពួកគេក៏ជួបសម្ពាធក្នុងការងារច្រើនជាងដូចគ្នា។ នៅពេលដែលឈរលើកំពូលដែលនិយាយឲ្យស្រួលស្ដាប់ទៅគឺមានលុយនោះ នឹងធ្វើឲ្យមនុស្ស្ស្រីច្រើនស្ញប់ស្ញែងនឹងគេ។ នៅពេលនេះប្រសិនបើចិត្តមនុស្សប្រុសមិនត្រង់ និងមិនមាំនោះនឹងងាយរេតាមការពង្វក់របស់គេខ្លាំងណាស់។

៣. ធុញទ្រាន់នឹងជីវិត

នៅពេលមង្គលការ ឬស្នេហាដើរទៅដល់ផ្លូវទាល់ រឿងឈ្លោះប្រកែកគ្នាកើតឡើងមិនឈប់ ប្ដីប្រពន្ធលែងចង់មើលមុខគ្នា ពេលនោះហើយដែលមនុស្សប្រុសចាប់ផ្ដើមងាកមករកទំនាក់ទំនងខាងក្រៅដើម្បីរំសាយអារម្មណ៍។ នៅពេលដែលកំពុងតុកសិកបែបនេះ ប្រសិនបើមានមនុស្សស្រីណាម្នាក់ហ៊ានតែពូកែផ្អែមល្ហែមបន្តិច មនុស្សប្រុសនឹងបាក់ចិត្តទៅរកគេភ្លាមៗ ដោយមិនបង្អង់យូរឡើយ៕

ប្រភព៖ Phunutoday ប្រែសម្រួល៖ Caramel