រាជិនី Youtube Li Ziqi លើកទី១ចូលរួមកម្មវិធីធំ ផ្អើលអស់អ្នកគាំទ្រ
- 2021-03-03 03:05:00
- ចំនួនមតិ 0 | ចំនួនចែករំលែក 0
រាជិនី Youtube Li Ziqi លើកទី១ចូលរួមកម្មវិធីធំ ផ្អើលអស់អ្នកគាំទ្រ
មានវត្តមាននៅលើកម្រាលព្រំក្រហមជាមួយកំពូលតារាជាច្រើនដូចជា Yang Mi និង Zhao Li Ying រាជិនីបណ្ដាញសង្គមចិន Li Ziqi ក៏ហាក់មិនចាញ់ប្រៀបតារាធំៗប៉ុន្មានឡើយ។
កាលពីយប់ថ្ងៃទី ២៨ ខែកុម្ភៈកន្លងទៅនេះ កម្មវីធីដ៏ធំប្រចាំឆ្នាំនោះគឺ Weibo Award Ceremony 2020 ត្រូវបានប្រព្រឹត្តឡើងដោយមានវត្តមានរបស់តារាលំដាប់ A ចិនរាប់រយដួងដូចជា Dilraba, Wu Yifan និង Wang Yibo ជាដើម។ ក្រៅពីតារាបណ្ដាញសង្គមដែលធ្វើការក្នុងវិស័យសិល្បៈ តារាបណ្ដាញសង្គមផ្សេងៗដែលមានឥទ្ធិពលក៏មាននៅក្នុងកម្មវិធីនេះដែរ ដោយអ្នកដែលទទួលបានចំណាប់អារម្មណ៍ខ្ពស់ជាងគេ គ្មានអ្នកណាក្រៅពីរាជិនីវីដេអូស្រុកស្រែ Li ziqi នោះឡើយ ដោយនាងមានអ្នកគាំទ្រជាង ៣០នាក់លើបណ្ដាញសង្គម Weibo។ មានវត្តមានក្នុងកម្មវិធីនេះ ស្រីស្អាត៣០ឆ្នាំ ស្លៀករ៉ូបវែងអូសដីពណ៌ស្រាល និងពាក់អាវក្រៅរូបដើមឫស្សីដែលតំណាងឲ្យស្រុកភូមិរបស់នាង។ មានមុខនៅទីនេះដែរ ស្រីស្អាតកើតឆ្នាំ ១៩៩០ ក៏ឈ្នះពានតារាបណ្ដាញសង្គមមានឥទ្ធិពលជាងគេផងដែរ។ អ្នកគាំទ្ររបស់ Li Ziqi បានវាយតម្លៃថា នេះគឺជាកម្មវិធីធំដំបូងរបស់នាងដែលធ្វើឲ្យនាងមើលទៅហាក់ភ័យបន្តិច។
Sina បានឲ្យដឹងថា Li Ziqi ស្ថិតក្នុងចំណោមតារាបណ្ដាញសង្គមដែលរកលុយបានច្រើនជាងគេ ដោយចំណូលរបស់នាងប្រចាំឆ្នាំអាចរកបានពីចន្លោះ ៧ ទៅ៨លានដុល្លារ៕