ត្រូវដឹង! អ្នកអាចមានបញ្ហាសុខភាពធ្ងន់ធ្ងរ ទោះបីអ្នកគិតថាវាជារឿងធម្មតាក៏ដោយ
- 2021-03-03 00:00:00
- ចំនួនមតិ 0 | ចំនួនចែករំលែក 0
ត្រូវដឹង! អ្នកអាចមានបញ្ហាសុខភាពធ្ងន់ធ្ងរ ទោះបីអ្នកគិតថាវាជារឿងធម្មតាក៏ដោយ
មានមនុស្សជាច្រើនកំពុងតែព្រងើយកន្តើយជាមួយសុខភាពខ្លួនឯង ហើយគិតថាវាជារឿងធម្មតាប៉ុណ្ណោះ។ ដោយឡែកវាមិនមែនជារឿងសាមញ្ញដូចដែលអ្នកគិតនោះទេ ព្រោះវាអាចបណ្ដាលឲ្យអ្នកមានបញ្ហាធ្ងន់ធ្ងរបើយឺតពេលតែបន្តិច ៖
១. ជ្រុះសក់
មនុស្សស្រីជាច្រើនបានព្យាយាមថែរក្សាសក់ពួកគេដោយប្រើផលិតផលជាច្រើន។ បើអ្នកសង្គេតឃើញថាសក់អ្នកចេះតែជ្រុះមិនស្រាន្តនោះ មានន័យថាអ្នកកំពុងមានបញ្ហាសុខភាពណាមួយហើយ។ ត្រូវទៅពិគ្រោះជាមួយគ្រូពេទ្យជំនាញទាក់ទិននឹងបញ្ហានេះ ព្រោះបើអ្នកចេះតែមិនខ្វល់វាអាចបង្កគ្រោះធំបាន។
២. អស់កម្លាំង
មានមនុស្សជាច្រើនកំពុងប្រទះនឹងបញ្ហានេះ តែគិតថាវាជារឿងធម្មតា ព្រោះពួកគេគិតថាមកពីពួកគេធ្វើការច្រើនជាដើម។ យ៉ាងណាមិញបើអ្នកចេះតែអស់កម្លាំងទោះមិនបានធ្វើអីនោះ មានន័យថា វាគឺជាសញ្ញាមួយដែលអ្នកអាចទទួលរងពីការអស់កម្លាំងរ៉ាំរ៉ៃ។ ការអស់កម្លាំងរ៉ាំរ៉ៃច្រើនតែបណ្តាលមកពីការគេងមិនសូវបាន ធ្វើការហួសកម្លាំង និងមានបញ្ហាផ្លូវចិត្តទាក់ទងស្នេហាការងារ និងបញ្ហាគ្រួសារ។
៣. ចលនាពោះវៀនមិនទៀងទាត់
ការទល់លាមក ការឈឺពោះជាញឹកញាប់គឺអាចនាំឱ្យមានបញ្ហាសុខភាពធ្ងន់ធ្ងរ។ ប្រសិនបើអ្នកចង់ឲ្យវារឹងមាំឡើងវិញនោះ វាដល់ពេលដែលត្រូវពិចារណាអំពីរបបអាហារ និងទម្លាប់រស់នៅប្រចាំថ្ងៃរបស់អ្នក។ បង្កើនការទទួលជាតិ fiberប្រហែល 25 ក្រាមក្នុងមួយថ្ងៃដើម្បីធ្វើឱ្យចលនារបស់ពោះវៀនមានភាពប្រសើរឡើង។
៤. ឈឺក្បាល
ស្ត្រីដែលរស់នៅក្នុងទីក្រុងធំ ៗ តែងតែយល់ថាការឈឺក្បាលរបស់ពួកគេជាលទ្ធផលនៃភាពមមាញឹកការងារ និងភាពអ៊ូអររបស់ទីក្រុងធំៗ។ ខណៈពេលដែលវាជាផ្នែកមួយមិនប្រក្រតីឡើយ ការឈឺក្បាលជាញឹកញាប់អាចមកពីសុខភាពអ្នកមានបញ្ហាធ្ងន់ធ្ងរ និងរ៉ាំរ៉ៃ ដូច្នេះអ្នកត្រូវទៅជួបគ្រូពេទ្យទើបជាការប្រសើរ។
៥. ហើមពោះ
មែនហើយការហើមពោះរបស់អ្នកអាចបណ្តាលមកពីទម្លាប់នៃការញ៉ាំមិនល្អ។ ទោះជាយ៉ាងណាក៏ដោយ ការប៉ោងពោះ ឬហើមពោះជាញឹកញាប់អាចនាំឲ្យមានស្ថានភាពធ្ងន់ធ្ងរមួយចំនួនដូចជាជំងឺមហារីកក្រពេញអូវែ ជំងឺខួរក្បាល ជំងឺខ្សោយតម្រងនោម ឬជំងឺថ្លើមជាដើម។
រឿងសុខភាពអ្នកត្រូវតែយកចិត្តទុកដាក់ឲ្យមែនទែន ព្រោះជួនកាលអ្នកគិតថាមិនអីតែវាអាចនឹងមានបញ្ហាធ្ងន់ធ្ងរក៏ថាបាន៕
ចុចអាន៖បើចេះតែរាករូសរាល់ថ្ងៃ អ្នកត្រូវកាត់បន្ថយភេសជ្ជៈទាំងនេះភ្លាម