ការឱបមិនសំដៅតែលើគូស្នេហ៍នោះទេ គឺសម្រាប់ភាពទូទៅនៃក្តីស្រឡាញ់ បងប្អូន គ្រួសារ មិត្តសម្លាញ់ ឬក៏សាច់ញាតិជាដើម។ វាជាការបង្ហាញសេចក្តីស្រឡាញ់ ការយកចិត្តទុកដាក់របស់អ្នក ហើយមិនត្រឹមតែប៉ុណ្ណោះវាជាការបង្ហាញពីភាពទុកចិត្ត លើកទឹកចិត្ត និងផ្តល់អារម្មណ៍កក់ក្តៅដល់មនុស្សម្នាក់នោះដែលទទួលបានការឱប។

ដូចច្នេះតើការឱបមានអត្ថប្រយោជន៍អ្វីខ្លះចំពោះអ្នក? វាត្រូវបានគេជឿថាមានអត្ថប្រយោជន៍ចំពោះស្បែកនឹងស្បែករវាងការឱបរបស់អ្នកទាំងពីរ។ អ្នកក៏បានដឹងរួចមកហើយថាពេលមនុស្សម្នាក់ ឬមួយក៏អ្នកផ្ទាល់ត្រូវការ ការឱបនោះ ពីព្រោះពួកអ្នកដឹងថាវាជាឱសថដ៏មានប្រសិទ្ធិភាពខ្ពស់ជួយធ្វើឲ្យអារម្មណ៍មនុស្សបានប្រសើរឡើង។

តាមការសិក្សាស្រាវជ្រាវក៏បានបង្ហាញដែលថា ការឱបនឹងផ្តល់អត្ថប្រយោជន៍មួយចំនួនទៀតដូចជា៖

• ជួយកាត់បន្ថយកំរិតស្ត្រេសរបស់អ្នកបាន
• ជួយផ្តល់នូវអារម្មណ៍ល្អសប្បាយរីករាយ
• ជួយលើកកម្ពស់ការគិតវិជ្ជមាន
• ធ្វើឲ្យប្រព័ន្ធអរម៉ូនរបស់អ្នកមានតុល្យភាពល្អ
• កាត់បន្ថយភាពភ័យខ្លាចនឹងធ្វើឲ្យអ្នកមានចិត្តស្ងប់
• កាត់បន្ថយសម្ពាធឈាម ជាពិសេសនៅពេលអ្នកមានអារម្មណ៍សោកសៅ បាក់ទឹកចិត្ត
• ល្អទាំងសុខភាពផ្លូវចិត្ត និងសុខភាពរាងកាយ

មិនមែនមនុស្សគ្រប់គ្នាចូលចិត្តការឱបក្រសោបនោះទេ ហើយវាក៏មិនអីដែលប្រសិនបើអ្នកជាមនុស្សម្នាក់ក្នុងចំណោមមនុស្សទាំងនោះ! គ្រាន់តែដឹងថាវាមិនត្រឹមតែជាការបង្ហាញនៃក្តីស្រឡាញ់ប៉ុណ្ណោះទេ វាធ្វើឲ្យអារម្មណ៍ល្អ បង្កើនសុខភាពផ្លូវចិត្តល្អរបស់អ្នកជាច្រើនថែមទៀត៕

ប្រភពរូបភាព៖ Freepik

ចុចអានបន្ត៖

• ធ្វើរឿងទាំងនេះពេលល្ងាចដើម្បីសុខភាពផ្លូវចិត្ត
• អត្ថ្ថប្រយោជន៍ដ៏ច្រើនពីការយំសោកចេញមកក្រៅ