ប្ដីប្រពន្ធ Huang Xiaoming និង Angelababy មិនមើលមុខគ្នាទោះចូលកម្មវិធីតែមួយ
- 2021-03-02 02:45:00
- ចំនួនមតិ 0 | ចំនួនចែករំលែក 0
ប្ដីប្រពន្ធ Huang Xiaoming និង Angelababy មិនមើលមុខគ្នាទោះចូលកម្មវិធីតែមួយ
ទោះបីជាមាននាមជាប្កីប្រពន្ធមែនពិត តែកំពូលតារាសម្ដែង Huang Xiaomin ព្រមទាំងភរិយា Angelababy អង្គុយបែកពីគ្នា នៅក្នុងកម្មវិធីទាំងមូល មិនមាត់រកគ្នាសូម្បីមួយដង។
ទោះបីជាកម្មវិធី Weibo Awards Ceremony បានចប់ទៅហើយក្ដី តែចំហាយសល់ពីកម្មវិធីមិនទាន់ចប់នៅឡើយទេ។ ជាក់ស្ដែង Drama លើកនេះ គឺពាក់ព័ន្ធនឹងប្ដីប្រពន្ធលំដាប់ A Huang Xiaoming និង Angelababy។
ជាក់ស្ដែង នៅពេលឮដំណឹងថា គូស្វាមីភរិយាល្បីឈ្មោះនេះនឹងចូលរួមកម្មវិធីតែមួយ អ្នកគាំទ្រជាច្រើនបានធូរស្រាលក្នុងចិត្ត ព្រោះយូរណាស់មកហើយទើបអ្នកទាំង២ចូលរួមកម្មវិធីជាមួយគ្នាវិញ។ យ៉ាងណាក្ដី នៅពេលកម្មវិធីចាប់ផ្ដើម អ្វីគ្រប់យ៉ាងត្រូវបានរលាយអស់។ ដោយសារតែ ប្ដីប្រពន្ធតារាផ្សេងៗសុទ្ធតែកៀកដៃគ្នាដើរលើព្រំក្រហម ហើយអង្គុយជាប់គ្នាទាំងអស់ តែអ្នកទាំង២នេះវិញ មិនត្រឹមតែមិនដើរជាមួយគ្នានោះទេ ថែមទាំងអង្គុយឆ្ងាយពីគ្នាទៀតផង។ អ្វីដែលធ្វើឲ្យគេរឹតតែភ្ញាក់ផ្អើលទៀតនោះ ពីដើមដល់ចប់កម្មវិធី អ្នកទាំង២មិនបានមាត់រកគ្នាសូម្បីមួយម៉ាត់។
ក្រៅពីនេះ ថ្ងៃដែលកម្មវិធីនេះប្រព្រឹត្តឡើងក៏ជាថ្ងៃខួបរបស់ Baby ដែរ ខណៈនាងឆ្លើយតបទៅនឹងសារជូនពរខួបកំណើតរបស់គេគ្រប់គ្នានោះ នាងមិនបានអើពើនឹងសាររបស់ប្ដីខ្លួនឯងនោះឡើយ ដែលធ្វើឲ្យគេគ្រប់គ្នាគិតថា ចំណងស្នេហ៍មួយនេះ នៅតែខាងប្រុសនោះទេ ដែលនៅស្រណោះអាល័យនោះ ឯខាងស្រីបានអស់ចិត្តតាំងពីយូរមកហើយ៕