G-Dragon រកការរិះគន់ភ្លូកទឹកភ្លូកដី ស្របពេល date ជាមួយ Jennie

2021-02-26 02:35:00
ចំនួនមតិ 0 | ចំនួនចែករំលែក 0

អ្នកគាំទ្រមិនទាន់បានសប្បាយអរប៉ុន្មានផង ក្រោយពេលឃើញ Idol ស្រលាញ់គ្នា ស្រាប់តែតារាចម្រៀងល្បីឈ្មោះ G-Dragon ត្រូវគេរិះគន់ជាខ្លាំង ដោយសារតែការធ្វេសប្រហែសរបស់ខ្លួន។

មិនយូរប៉ុន្មានក្រោយពេលបែកធ្លាយព័ត៌មាន កំពូលតារាចម្រៀងកូរ៉េ២ដួងគឺ G-Dragon និង Jennie ស្រលាញ់គ្នានោះ ម្ចាស់បទ Bang Bang Bang ស្រាប់តែត្រូវទស្សនិកជនរិះគន់ជាខ្លាំង ក្រោយពេលរូបភាពលោកណាត់ជួបគ្នាជាមួយសមាជិកក្រុម Blackpink ត្រូវបានគេចុះផ្សាយ។

តាមនោះដែរ គេសង្កេតឃើញថា នៅក្នុងកម្រងរូបភាពដែលបណ្ដាញព័ត៌មាន Dispatch បញ្ចេញនោះ ប្រុសស្អាត ៣២ឆ្នាំ បានទាញម៉ាសចុះមកក្រោមដល់ចង្ការ ខណៈស្ថានភាពជំងឺកូវីដ ១៩ នៅតែរាលដាលពេញប្រទេសកូរ៉េ។ មិនត្រឹមតែប៉ុណ្ណោះ ប្រធានក្រុមចម្រៀង Big Bang ថែមទាំងជក់បារីនៅទីសាធារណៈទៀតផង ដែលធ្វើឲ្យមនុស្សជាច្រើនទប់កំហឹងមិនបាន។

មនុស្សជាច្រើនបានលើកឡើងថា ក្នុងនាមជាបុគ្គលមានឥទ្ធិពលម្នាក់ តារាប្រុសរូបនេះគួរធ្វើជាគំរូដល់គេ មិនមែនបណ្ដោយខ្លួនយ៉ាងនេះឡើយ។ មុន G-Dragon តារាកូរ៉េជាច្រើនត្រូវបានរិះគន់រួចមកហើយ ដោយមិនពាក់ម៉ាសនៅទីសាធារណៈ៕