អ្នកណាថា មនុស្សស្រីត្រូវពឹងលើមនុស្សប្រុស? ក្រោយរៀបការ មានតែមនុស្សប្រុសទេត្រូវពឹងមនុស្សស្រី

2021-02-19 03:00:00
ចំនួនមតិ 0 | ចំនួនចែករំលែក 0

ផ្ទះសម្បែងស្អាតបាតក៏បានប្រពន្ធជាអ្នកសម្អាត។ ខោអាវត្រង់មិនជ្រួញ ការងារផ្ទះក៏ប្រពន្ធជាអ្នករ៉ាប់រង។ អ្នកផងជិតខាង សាច់ញាតិជិតឆ្ងាយ ស្រលាញ់ចូលចិត្ត ឬអត់ក៏ដោយសារថ្វីមាត់ប្រពន្ធ។ ដូចនេះហើយ មនុស្សស្រីមានទៅបានពឹងផ្អែកលើមនុស្សប្រុសឯណា មានតែមនុស្សស្រីប៉ុណ្ណោះដែលពឹងពាក់លើមនុស្សស្រីខ្លួនឯង។ “ពេលខ្លះចង់ធ្វើមនុស្សស្រី មិនបាច់គិតអីច្រើន ចាំតែមើលកូនហើយចាំប្ដីយកលុយមកឲ្យគឺគ្រប់គ្រាន់ហើយ។ គ្មានអ្នកណាស្រួលជាងមនុស្សស្រីនោះឡើយ”។

នេះគឺជាគំនិតរបស់មនសុ្សប្រុសជាច្រើននៅសម័យនេះ ពួកគេគិតថាធ្វើមនុស្សស្រីងាយស្រួល មិនលំបាក គ្មានអ្វីត្រូវធ្វើច្រើន ហើយក៏គ្មានសម្ពាធអ្វី។ ពេលណាក៏ពួកគេគិតថា មនុស្សប្រុសគឺជាសសរទ្រូងនៃគ្រួសារ រ៉ាបរងអ្វីគ្រប់បែបយ៉ាង។

ប៉ុន្តែ ពួកគេមិនបានដឹងឡើយថា ពេលខ្លះ មនុស្សស្រីនេះហើយ ទើបជាខ្នងបង្អែកនៃគ្រួសារមួយ ដោយមិនចាំបាច់និយាយរឿងលុយកាក់ ព្រោះមនុស្សស្រីក៏រកលុយបានដូចគ្នា។

ខណៈមនុស្សប្រុសអោបកូនគេងទល់ភ្លឺនោះ ម៉ោង៥មនុស្សស្រីត្រូវងើបរៀបចំ អាហារពេលព្រឹក ផ្ទះសម្បែងរួចទៅហើយ។ ដាំបាយលាងចាន ហើយដឹកកូនទៅរៀន សុទ្ធតែជាការងារខាងស្រីទាំងអស់។ ទន្ទឹមនឹងពេលនោះ ប្ដីធ្វើការ៨ម៉ោង ចេញពីធ្វើការ ទៅទាត់បាល់ ទៅផឹក ហើយមកដល់ផ្ទះវិញ មករកបាយផ្ទះ ដូចប្រពន្ធជាអ្នកនៅជាមួយ។

ដល់ពេលបុណ្យទាន សួរថា ក្រៅពីធ្វើការ អ្នកណាអ្នកឡើងផ្សារ អ្នកណារ៉ាប់រងគ្រប់ភារកិច្ចទាំងអស់។ ក្រៅពីគ្រួសារសាច់បង្កើតខ្លួនឯង មនុស្សស្រីត្រូវមើលទាំងខាងប្ដីទៀត ព្រោះខ្លាចមាត់ញាតិ។

សម័យនេះ សមត្ថភាពស្មើគ្នា សិទ្ធិស្មើគ្នា ក្រៅអម្រែកក្នុងសង្គម ការងារនៅក្នុងគ្រួសារទាំងអស់ ភាគច្រើនគឺមនុស្សស្រីជាអ្នករ៉ាប់រង ដូចនេះហើយ ពេលខ្លះ មនុស្សស្រីនេះហើយដែលជាទីសម្រាប់មនុស្សប្រុសផ្អែកលើវិញ៕