មនុស្សវ័យក្មេង ចុងខែចាយសល់ថ្ងៃ ព្រោះប្រកាន់គំនិត មួយជីវិតរស់នៅម្ដង
- 2021-02-11 03:26:00
- ចំនួនមតិ 0 | ចំនួនចែករំលែក 0
មនុស្សវ័យក្មេង ចុងខែចាយសល់ថ្ងៃ ព្រោះប្រកាន់គំនិត មួយជីវិតរស់នៅម្ដង
ខ្ញុំមិនសប្បាយចិត្តសោះ នៅពេលលើកដៃកាន់ទូរសព្ទ iPhone តម្លៃជាង១ពាន់ដុល្លារ តែចុងខែត្រូវរត់គ្រប់ទិសព្រោះគ្មានលុយបង់រំលោះ។
នៅក្រុមហ៊ុនដែលខ្ញុំធ្វើការ មានមនុស្សប៉ុន្មាននាក់ ដែលមានសភាពបែប ប្រាក់ខែ ខែណា ចាយអស់ខែហ្នឹង។ ប្រាក់ខែប្រមាណ ៥ -៦០០ដុល្លារ តែដៃពេលណាក៏កាន់ iPhone ស៊េរីចុងក្រោយគេដែរ។ រាល់ថ្ងៃត្រង់ គឺតែងតែផឹកតែគុជ ២ - ៣ដុល្លារ។ លុយទិញខោអាវមួយខែ២ ក៏មិនក្រោមរយដុល្លារដូចគ្នា។
អ្វីដែលគួរឲ្យនិយាយនៅទីនេះគឺ ទូរសព្ទដែលពួកគេទិញគឺបានមកពីការបង់រំលោះ ដែលគ្រាន់តែការប្រាក់ក៏ជិតស្មើទូរសព្ទមួយគ្រឿងទៀត។ ហើយក៏ជាពួកគេដដែល ដែលដាច់ឆ្នាំដើរសួរគណនេយ្យថា បានប្រាក់ខែទី ១៣ឬអត់ ព្រោះរកតែលុយទិញទូរទស្សន៍ដាក់ផ្ទះមួយក៏គ្មាន។
ខ្ញុំអាយុក្រៅ ៤០ឆ្នាំហើយ តែមិនដែលឃើញអ្នកមានណា ដែលមិនចាយត្បិតត្បៀតទាំងអស់ លើកលែងតែអ្នកត្រូវប៉ាន់ដី ឬទីផ្សារភាគហ៊ុនប៉ុណ្ណោះ។ រស់នៅដើម្បីបច្ចុប្បន្នគឺជាគំនិតបែបសមាធិដែល មិនគួរចំណាយពេលវេលាឥតប្រយោជន៍។ យ៉ាងណាក្ដី យុវវ័យកំពុងយកគំនិតមួយនេះមកបិតបាំងសម្រាប់ទម្លាប់ចាយវាយមិនសន្សំសំចៃរបស់ខ្លួន។ ពួកគេរស់នៅដោយចាយលុយអស់ៗ ព្រោះគិតថាមួយជីវិតនេះរស់នៅតែម្ដង។
សួរថា អ្នកណាមិនរស់នៅតែម្នាក់ឯងក្នុងជីវិតនេះ គ្រាន់តែរបៀបរស់នៅផ្សេងគ្នាប៉ុណ្ណោះ។ អ្នកម៉េចនឹងអាចយកការសប្បាយនឹងសម្ភារៈនិយម ហើយប្ដូរនឹងអនាគតរបស់ខ្លួនបាននោះ? មានទៅសប្បាយអរអ្វី ដែលរបស់ល្អៗនៅក្នុងដៃ សុទ្ធតែជាបំណុលអាក្រក់ ដែលនឹងមិនចំណេញទៅថ្ងៃក្រោយនោះ? ឃើញឡូយឆាយបែបនេះមែនក្ដី តែនៅក្នុងគណនេយ្យសន្សំរបស់ពួកគេ អាចទទេស្អាតក៏ថាបាន៕