ក្នុងជីវិតមនុស្ស មានរឿង៣យ៉ាង កាន់តែចៀស ជីវិតកាន់តែស្ងប់ អត់បញ្ហា
- 2021-02-06 23:17:00
- ចំនួនមតិ 0 | ចំនួនចែករំលែក 0
ក្នុងជីវិតមនុស្ស មានរឿង៣យ៉ាង កាន់តែចៀស ជីវិតកាន់តែស្ងប់ អត់បញ្ហា
នៅលើលោកនេះ បើមានអ្វីខ្លួនមិនចេះច្បាស់ សូមកុំធ្វើការសម្រេចចិត្ត ត្បិតកំហុសមួយចំនួន ទោះចំណាយពេញមួយឆាកជីវិតក៏មិនអាចកែបានដែរ។ តែបើដឹងខុសហើយ មិនព្រមកែ កំហុសនេះរឹតតែធំជាងមុនទៅទៀត។ ខាងក្រោមនេះគឺជារឿង ៣យ៉ាងដែលអ្នកគួរចៀសឲ្យឆ្ងាយដើម្បីជីវិតឆ្ងាយពីភាពរញ៉េរញ៉ៃនានា។
១. រឿងប្រាសចាកពីក្រមសីលធម៌
អ្នកដែលមានសីលធម៌ប្រៀបបានដូចជាដីដែលមានជីជាតិ ធ្វើអ្វីក៏សម្រេច ធ្វើអ្វីក៏គ្មានអីរាំងស្ទះ។ អ្នកដែលធ្វើរឿងប្រាសចាកក្រមសីលធម៌ ប្រៀបដូចដីរាំងស្ងួត ធ្វើរឿងធំអ្វីក៏មិនបានការ។ បើអ្នកប្រឹងរកចំណេញពីរឿងក្បត់មនសិការនោះ បានតែប្រយោជន៍តូច តែគ្មានអនាគតឡើយ។
២. រឿងឆោតល្ងង់ឥតប្រយោជន៍
អ្នកដែលមានចំណេះដឹងខ្ពស់ តែងដឹងថា ជីវិតមួយនេះទោះរៀនយ៉ាងណាក៏រៀនមិនអស់ រៀនមិនគ្រប់ដែរ។ ជារៀងរាល់ថ្ងៃតែងមានរឿងថ្មីសម្រាប់រៀនជានិច្ច។ តែផ្ទុយមកវិញ អ្នកអង្គុយបាតអណ្ដូង មិនគិតបែបនេះឡើយ ដោយតែងមានអំនួត គិតថាខ្លួនអស្ចារ្យ ចេះសព្វបែបយ៉ាង ទាំងដែលខ្លួនឯងមិនទាន់ដល់អ្នកណាទាំងអស់។ ដូចនេះបានគេថា ចេះមិនដល់ ធ្វើមិនចេះប្រសើរជាង។
៣. រឿងហួសពីសមត្ថភាពខ្លួន
ប្រសិនបើយើងប្រឹងលើកដុំថ្មដែលធំជាងយើង មិនយូរមិនឆាប់ ថ្មនោះនឹងសង្កត់យើងស្លាប់ ឬអាចធ្វើឲ្យយើងរងរបួស។ ដូចគ្នានឹងរឿងដែលហួសសមត្ថភាពយើងដែរ បើគិតថាយើងទូលមិនរួចទេ សូមកុំយកទុក្ខដាក់ខ្លួន។ មនុស្សគ្រប់រូបត្រូវចេះប្រមាណកម្លាំងខ្លួនឯង កុំឃើញដំរីជុះ ជុះតាមដំរី។ ត្រូវដឹងថា ភ្នំមួយខ្ពស់ មានភ្នំមួយខ្ពស់ជាងហ្នឹងទៀត៕