តារានិករទាំងនេះ ត្រូវគេចាត់ទុកជាមនុស្សពូកែលាក់អារម្មណ៍បំផុត
- 2021-02-07 02:21:00
- ចំនួនមតិ 0 | ចំនួនចែករំលែក 0
តារានិករទាំងនេះ ត្រូវគេចាត់ទុកជាមនុស្សពូកែលាក់អារម្មណ៍បំផុត
តារានិករខាងក្រោមនេះ ត្រូវគេចាត់ទុកថាជាមនុស្សពូកែលាក់អារម្មណ៍បំផុតហើយ។
Cancer
ជាមនុស្សដែលពូកែលាក់អារម្មណ៍ណាស់ ហើយពួកគេមានអារម្មណ៍ថាពិបាកនៅពេលចង់បង្ហាញអារម្មណ៍ផ្ទាល់ខ្លួនដល់នរណាម្នាក់។ បើទោះបីជាពេលខ្លះ ពួកគេចង់បង្ហាញការស្ញើចសរសើរ ឬក្តីស្រលាញ់ដល់នរណាម្នាក់ក៏ដោយ ក៏ពួកគេតែងតែរុញរា និងស្ទាក់ស្ទើរចំពោះរឿងទាំងនេះ។ នេះដោយសារតែពួកគេមានអារម្មណ៍ថាខ្មាសអៀន និងខ្លាចត្រូវគេបដិសេធ។ តែយ៉ាងណាក៏ដោយ នៅពេលមនុស្ស Cancer ធ្លាក់អន្លង់ស្នេហ៍លើនរណាម្នាក់ គេគឺជាមនុស្សម្នាក់ដែលស្មោះត្រង់នឹងរឿងស្នេហាបំផុត។
Virgo
បើមើលពីសម្បកក្រៅ Virgo ជាមនុស្សម៉ត់ចត់ តែតាមការពិតគេជាមនុស្សទន់ជ្រាយនោះទេ។ ទោះបីជាមានរឿងរ៉ាវច្រើនក្នុងចិត្តប៉ុនណា ក៏មនុស្សនេះព្យាយាមគ្រប់គ្រងអារម្មណ៍ខ្លួនឯង មិនឲ្យនរណាដឹងងាយៗឡើយ។ ប៉ុន្តែនៅពេលមាននរណាយកចិត្តទុកដាក់ ឬបង្ហាញអារម្មណ៍ស្រលាញ់តែបន្តិច Virgo នឹងបង្ហាញអារម្មណ៍អស់ខ្ទេចគ្មានសល់ ភ្លាមៗតែម្តង។
Scorpio
ថ្វីបើមនុស្ស Scorpio ហាក់មិនសូវបើកចិត្តបង្ហាញអារម្មណ៍ដល់មនុស្សទូទៅ ក៏មិនអាចសន្មត់បានថា ពួកគេជាមនុស្សគ្មានបេះដូង គ្មានការឈឺចាប់ដែរ។ ថ្វីបើពេលខ្លះ ពួកគេមិនសូវនិយាយស្តីច្រើនក៏ដោយ តែពួកគេច្រើនតែបង្ហាញតាមរយៈសកម្មភាព។ ដូច្នេះ នៅពេលអ្នករាប់អានជិតស្និទ្ធជាមួយ Scorpio យូរទៅ អ្នកនឹងកត់ចំណាំបានពីពួកគេ ហើយពួកគេវិញ ក៏ព្រមបើកចិត្តនិយាយរឿងសម្ងាត់ប្រាប់អ្នកវិញដូចគ្នា។
Aquarius
គេជាប្រភេទក្រុមមនុស្ស ដែលពូកែលាក់អារម្មណ៍ផ្ទាល់ខ្លួនខ្លាំងបំផុតក្នុងចំណោមតារានិករផ្សេងៗ។ជារឿយៗ ពួកគេច្រើនតែចង់ដឹងពីសុខទុក្ខរបស់មនុស្សជុំវិញជានិច្ច តែពេលខ្លះមានវិធីមួយចំនួន ដែលធ្វើឲ្យពួកគេពិបាកស្វែងយល់ពីគ្នា ដែលជាហេតុធ្វើឲ្យពួកគេមានអារម្មណ៍ថាអសុវត្ថិភាព៕