មនុស្សស្រីដែលមានប្រជ្រុយកន្លែងទាំងនេះត្រូវបានចារមកថានឹងត្រូវមានសំណាងក្នុងជិវិត និង មិនដែលត្រូវលំបាកខ្វល់ខ្វាយពីរឿងលុយកាក់នោះទេ៖

១. ចង្កា

ប្រជ្រុយនៅម្ដុំចង្ការបស់មនុស្សស្រីអាចជាតំណាងអោយជោគវាសនាល្អ ថែមទាំងភាគច្រើនជាមនុស្សដែលមានសន្តានចិត្តល្អ មិនចេះមើលនឹងភ្នែក ដែលធ្វើអោយមនុស្សជុំវិញខ្លួនស្រលាញ់រាប់អានជាខ្លាំង។ មនុស្សដែលមានប្រជ្រុយត្រង់កន្លែងនេះមិនត្រឹមជាមានសំណាងល្អក្នុងជីវិតនោះទេ ថែមទាំងមានអាយុវែងអាចសោយសុខលាភសំណាងនេះបានកាន់តែយូរអង្វែង។ បើសិនជាប្រជ្រុយនេះមានពណ៌រៀងស្រាល អ្នកនឹងមានវាសនាជាអ្នកធ្វើការងារដែលមានមុខដំណែងខ្ពង់ខ្ពស់ និង មានកូនចៅក្រោមអំណាចមិនខ្វះនោះទេ។

២. ទងត្រចៀក

ប្រជ្រុយនៅម្ដុំចង្ការបស់មនុស្សស្រីអាចជាតំណាងអោយទ្រព្យសម្បត្តិហូរហារ ជាពិសេសចំពោះមនុស្សស្រីដែលមានទងត្រចៀកក្រាស់សម្បូរសាច់។ សំណាងនេះអាចកើតចេញពីប្រវិត្តគ្រួសារខ្លួនឯងផ្ទាល់ ដោយធ្លាប់តែរុងរឿងតាំងពីដើមមកម្ល៉េះ ដែលមិនដែលលំបាករឿងលុយកាក់នេះទាល់តែសោះ។ ចំពោះរឿងការងារ រកស៊ីវិញក៏កាន់តែកាក់កបថែមទាំងទៀត គួបផ្សំនឹងការខិតខំប្រឹងប្រែងពីខ្លួនឯងផ្ទាល់ផងនោះ។

៣. សៀតថ្កា

មនុស្សស្រីដែលមានប្រជ្រុយត្រង់ចំនុចនេះ ភាគច្រើនមិនថាត្រូវទៅធ្វើការនៅទីណា ឬ មុខរបរអ្វីនោះទេក៏តែងតែមានអ្នកតាមជួយជ្រោមជ្រែងមិនខ្វះនោះទេ បើមិនអ៊ីចឹងទេនោះការងារដែលលំបាកក៏មានអ្នកត្រួសត្រាយផ្លូវអោយរួចជាស្រេច។ បើប្រជ្រុយនេះស្ថិតនៅចំសៀតថ្កាខាងស្ដាំវិញ ជីវិតការងារអ្នកនឹងមានភាគជោគជ័យ ព្រោះតែអ្នកជាមនុស្សដែលមានគោលដៅ និង ក្ដីស្រម៉ៃក្នុងជីវិតយ៉ាងច្បាស់លាស់តាំងពីដើមមក។