រើសនាឡិកាខ្សាច់ដែលអ្នកពេញចិត្ត ដើម្បីដឹងពីសារពិសេសសម្រាប់អ្នកក្នុងខែនេះ
- 2021-02-02 04:50:00
- ចំនួនមតិ 0 | ចំនួនចែករំលែក 0
រើសនាឡិកាខ្សាច់ដែលអ្នកពេញចិត្ត ដើម្បីដឹងពីសារពិសេសសម្រាប់អ្នកក្នុងខែនេះ
សារនេះអាចជួយអ្នក អោយដោះស្រាយបញ្ហាដែលអ្នកអាចនឹងត្រូវឆ្លងកាត់នៅក្នុងខែថ្មីនេះ៖
នាឡិការខ្សាច់ទី ១
អ្នកត្រូវតែរៀបចំខ្លួនដើម្បីទទួលការផ្លាស់ប្ដូរដ៏ធំមួយនៅក្នុងខែថ្មីនេះ។ វាអាចជារឿងដែលអ្នកព្យាយាមគេចវេសកន្លងមក តែពេលនេះមិនអាចទុកវាចោលបានតទៅទៀតនោះទេ ដល់ពេលដែលត្រូវសម្រេចចិត្តអោយបានដាច់ស្រេចហើយ។ ត្រូវចាំថា មិនមែនការផ្លាស់ប្ដូរទាំងអស់សុទ្ធតែជារឿងមិនល្អនោះទេ មិនគួរខ្លាចវានោះទេ។
នាឡិការខ្សាច់ទី ២
កន្លងមក មិនថាជារឿងតូចតាចយ៉ាងណានោះទេ អ្នកតែងតែមានការប្រុងប្រយ័ត្ន និង គិតគូរយ៉ាងម៉ត់ចត់បំផុត។ មិនមែនសម្រាប់តែខែនេះនោះទេ ក្នុងឆ្នាំថ្មីនេះ អ្នកគួរតែរៀនបណ្ដោយអោយខ្លួនឯងប្រថុយប្រថានបន្ដិច កុំធ្វើអ្វីគ្រប់យ៉ាងទាល់តែមានច្បាប់ទម្លាប់ និង គ្រោងការច្បាស់លាស់រហូតពេកនោះ។
នាឡិការខ្សាច់ទី ៣
សម្រាប់ខែថ្មីនេះ អ្នកអាចនឹងដកខ្លួនចេញពីរឿងការងារបានច្រើនជាងមុន។ កន្លងមកនេះ អ្នកមិនមានពេលសម្រាប់ជីវិតផ្ទាល់ខ្លួន និង មនុស្សដែលខ្លួនស្រលាញ់សោះ ធ្វើអោយអ្នកមានអារម្មណ៏តប់ប្រមល់ និង មិនពេញចិត្តជាខ្លាំង។ ខែនេះ អ្នកគួរតែចំណាយពេល ដើម្បីសងភាពព្រងើយកន្តើយរបស់អ្នកកន្លងមកនេះ។
នាឡិការខ្សាច់ទី ៤
អ្វីដែលអ្នកប៉ងប្រាថ្នាកន្លងមក នឹងអាចក្លាយជាការពិតមិនខាននៅក្នុងខែថ្មីនេះ។ អ្នកអាចនឹងមានឱកាសបានរៀន និង អភិវឌ្ឃខ្លួនឯង ដើម្បីប្រឈមមុខនឹងរឿងលំបាកជាច្រើនទៀតទៅថ្ងៃមុខ។
នាឡិការខ្សាច់ទី ៥
អ្នកគួរតែយកចិត្តទុកដាក់ថែរក្សាសុខភាពខ្លួនឯងអោយបានល្អនៅក្នុងខែថ្មីនេះ។ ទោះជាគោលបំណង និង សេចក្ដីប្រាថ្នានៅក្នុងជីវិតអ្នកសំខាន់ពិតមែន តែអ្នកអាចសម្រេចវាទៅបានលុះត្រាតែអ្នកមានសុខភាពល្អ បរិបូណ៏ដែរនោះទេ។ មិនត្រូវស្ទាក់ស្ទើរក្នុងការមើលថែទាំខ្លួនឯងនោះទេ។
នាឡិការខ្សាច់ទី ៦
បើសិនជាកន្លងមកអ្នកមិនមន្ទិល និង មានចម្ងល់នៅក្នុងចិត្ត អ្នកនឹងទទួលបានចំលើយនៅក្នុងខែថ្មីនេះ មិនខាន។ ក្នុងឆ្នាំថ្មីនេះ អ្នកគួរតែស្ដាប់តាមញាណពិសេសរបស់អ្នកអោយបានច្រើន ភាពជោគជ័យនឹងមកតាមក្រោយមិនខាន។
នាឡិការខ្សាច់ទី ៧
អ្នកប្រភេទមនុស្សដែលមិនសូវមានទំនុកចិត្តលើខ្លួនឯងនោះទេ ហើយថែមទាំងចេះតែមើលស្រាលសមត្ថភាពខ្លួនឯងជាប្រចាំថែមទៀត។ ឆ្នាំនេះអ្នកគួរតែកែប្រែទម្លាប់មួយនេះចោលទៅ បើអាចកែប្រែបាន មិនយូរនោះទេ អ្នកនឹងអាចមើលឃើញថាជីវិតអ្នកនឹងប្រសើរជាងមុខខ្លាំងយ៉ាងណា។