៤ស្ទីលថត Selfie ស្រស់ស្អាតសម្រាប់មិត្តនារីមានមុខធំ
- 2021-01-28 06:30:00
- ចំនួនមតិ 0 | ចំនួនចែករំលែក 0
៤ស្ទីលថត Selfie ស្រស់ស្អាតសម្រាប់មិត្តនារីមានមុខធំ
ការថតរូបស្រស់ស្អាតក៏អាស្រ័យទៅលើការមានទំនុកចិត្តមកលើខ្លួនឯងដែរ។ សម្រាប់មិត្តនារីមានផ្ទៃមុខធំមួយចំនួនពុំសូវមានទំនុកចិត្តនៅមុខកាមេរ៉ា ឬ ថត selfie ឡើយ។ ហេតុដូចនេះ ខាងក្រោមនេះ ជាស្ទីលថត៤ងាយៗសម្រាប់អ្នក ប្រសិនបើអ្នកពុំមានទំនុកចិត្តព្រោះតែមានផ្ទៃមុខធំ។ ស្ទីលទំាងនោះរួមមាន៖
១/ ស្ទីលស្ទើចំហៀងផ្ទៃមុខ
ចំពោះស្ទីលនេះគឺមានការពេញនិយមពីសុភាពនារីជាច្រើននោះក៏ព្រោះតែអ្នកបែរមុខរាងចំហៀងបន្តិច។ បន្ទាប់មកអ្នកអាចធ្វើទឹកមុខបែបគួរឲ្យស្រឡាញ់បន្តិច។ ក្រៅពីនេះ អ្នកក៏អាចលើកចង្ការអ្នកឡើងបន្តិចដើម្បីឲ្យស៊ីនឹងផ្ទៃមុខអ្នកជាការស្រេច។
២/ ស្ទីលដាក់ដៃទ្រចង្ការ
សម្រាប់ស្ទីលនេះវិញ បើអ្នកដាក់ដៃទ្រចង្ការបន្តិចនោះវានឹងលេចឲ្យឃើញត្រេមុខរបស់អ្នកជាក់ជាមិនខាន។ បន្ថែមពីនេះ វានឹងធ្វើឲ្យផ្ទៃមុខអ្នកមើលមកតូចតែម្តង។
៣/ ស្ទីលធ្វើមុខបែបអក្សរ V
ចំពោះស្ទីលនេះអាចធ្វើឲ្យអ្នកមើលមកឃើញមុខតូចបែបអក្សរ V បានដោយគ្រាន់តែដាក់ដៃជាអក្សរ V រួចទ្រនៅក្រោមចង្ការអ្នកតែប៉ុណ្ណោះ។
៤/ ស្ទីលដាក់ដៃលើថ្ពាល់សងខាង
ស្ទីលចុងក្រោយនោះគឺមានការនិយមពីសំណាក់មិត្តនារីមិនតិចឡើយ។ អ្នកគ្រាន់តែយកដៃសងខាងមកទ្រថ្ពាល់អ្នកតែប៉ុណ្ណោះ ព្រោះការធ្វើបែបនេះនឹងជួយឲ្យផ្ទៃមុខអ្នកតូចជាងមុន៕
រូបភាព៖ pinterest