ទង្វើ ៣យ៉ាងរបស់មនុស្សស្រី ដែលបុរសមិនងាយបំភ្លេចបាន
- 2021-01-22 05:00:00
- ចំនួនមតិ 0 | ចំនួនចែករំលែក 0
ទង្វើ ៣យ៉ាងរបស់មនុស្សស្រី ដែលបុរសមិនងាយបំភ្លេចបាន
ចរិតខាងក្នុង គឺល្អជាងសម្រស់ពីខាងក្រៅ។ ប្រសិនបើអ្នកចង់ក្លាយជាមនុស្សស្រីដែលទទួលបានការគោរពពីមនុស្សប្រុស អ្នកគួរតែរៀនធ្វើចិត្តតាម៣ចំណុចខាងក្រោម៖
១. ចេះយល់ចិត្ត
មិនមែនមនុស្សស្រីទាល់តែមានរូបរាងស្រឡូន មុខមាត់ស្អាត ស្លៀកខោអាវ Brand ទើបធ្វើឲ្យបុរសលង់នោះទេ តែជាមនុស្សស្រីដែលចេះយល់ចិត្ត ចេះពីរបៀបយកចិត្តទុកដាក់ គឺជាប្រភេទមនុស្សស្រីដែលតែងផ្តល់នូវអារម្មណ៍កក់ក្តៅ និងជឿជាក់។
លើសពីនេះ ពួកគេនឹងមិនបាច់រងសម្ពាធច្រើន ឬការប្រច័ណ្ឌមិនសមទំនងពីដៃគូ ហើយគ្មានអារម្មណ៍ថាធុញថប់នៅពេលដើរចូលផ្ទះម្តងៗ។ មនុស្សស្រីបែបនេះ តែងតែត្រូវបានបុរសគោរព ស្រលាញ់ និងឲ្យតម្លៃ។
២. ចេះលើកលែង
មនុស្សប្រុសចង់ឲ្យមនុស្សស្រីចេះលើកលែងរាល់កំហុសទាំងអស់របស់គាត់ ហើយចង់ឲ្យមនុស្សស្រីងាកមកស្តាប់និងយល់នូវរឿងលំបាកៗព្រមទាំងសម្ពាធ ការឈឺចាប់ដែលគាត់មាន។ ជីវិតរបស់មនុស្សខ្លីណាស់ ដូច្នេះ មនុស្សស្រីក៏មិនបាច់ត្រូវសន្សំការអន់ចិត្ត កំហឹង និងការភ័ន្តច្រលំដាក់ក្នុងចិត្តនោះដែរ។ វាគ្មានបានអ្វី ក្រៅពីមិនសប្បាយចិត្ត ឬក៏ធ្វើឲ្យម្ខាងៗរស់នៅជាមួយកំហុស ក្នុងការចងចាំរបស់ពួកគេដែរ។ រឿងណាអាចលើកលែងបាន ក៏ឈប់គិតទៅ ព្រោះជីវិតមនុស្សខ្លីណាស់ ថ្ងៃនេះជួបគ្នា ក៏មិនប្រាកដថាស្អែកបានជួបគ្នាឬអត់ ព្រោះមិនដឹងថាមានរឿងអ្វីកើតឡើងទេ។
ដូចនេះ គួរតែរៀនព្រម ហើយបង្កើតនូវចិត្តស្ងប់ស្ងាត់ដាក់ខ្លួន កុំយកដុំថ្មមកដាក់ក្នុងបេះដូង ព្រោះវាធ្ងន់ណាស់។
៣. ស្មោះត្រង់
ភាពស្មោះត្រង់ គឺជាកត្តាបង្កើតនូវតម្លៃដល់មនុស្សស្រី ។ ពេលដែលអ្នកនៅក្បែរមនុស្សស្រីដែលមានបេះដូងបរិសុទ្ធ ចេះជួយអ្នកដទៃ មានអត្តចរិតល្អ នោះចិត្តគំនិតរបស់អ្នកនឹងកាន់តែវិជ្ជមាន។ គេតែងនិយាយថា "នៅក្បែរទឹកខ្មៅ គឺពណ៍ខ្មៅ , នៅក្បែរពន្លឺ គឺភ្លឺ" ហេតុនេះ ត្រូវធ្វើជាមនុស្សស្រីដែលមានពន្លឺ។
មនុស្សស្រីគួរតែរស់នៅឲ្យដូចផ្កាអ័រគីដេ ទោះជាដុះក្នុងព្រៃជ្រៅប៉ុណ្ណា ក៏ក្លិនក្រអូបនៅតែសាយភាយពេញព្រៃ។ ធ្វើជាមនុស្សស្រីឲ្យដូចទឹកហូរ ដែលតែងធ្វើឲ្យមនុស្សទាំងឡាយមានអារម្មណ៍ធូរស្បើយ និងផាសុកភាព៕