ងាយៗ! វិធីធ្វើម៉ាសពងមាន់ ជួយបន្តឹងស្បែកមុខ បង្រួមរន្ធញើស និង កម្ចាត់មុនតូចធំ

2021-01-14 13:00:00
ចំនួនមតិ 0 | ចំនួនចែករំលែក 0

មិត្តនារីមួយចំនួនធំប្រហែលជាធ្លាប់បានដឹងពីអត្ថប្រយោជន៍នៃពងមាន់ក្នុងការថែទាំសម្រស់ជាមិនខាន។ ផ្នែកពណ៌សនៃពងមាន់ត្រូវបានគេប្រើប្រាស់ជាគ្រឿងផ្សំសម្រាប់ផលិតនូវផលិតផលសម្រស់ជាច្រើនដែលក្នុងនោះរួមមានម៉ាសពងមាន់បែបធម្មជាតិដែលទទួលបានការពេញនិយមយ៉ាងច្រើនពីសំណាក់មិត្តនារីៗ ទាំងក្មេងនិងចាស់។

ម៉ាសពងមាន់នេះមានអត្ថប្រយោជន៍ជួយបង្រួមរន្ធញើស កម្ចាត់មុនខ្សាច់ បន្តឹងស្បែកមុខ និង ជួយបំបាត់រាល់បញ្ហាមុននៅលើផ្ទៃមុខ។ តោះ! មកដឹងពីវិធីធ្វើទាំងអស់គ្នា៖

រូបតំណាង

**គ្រឿងផ្សំ៖**

ពងមាន់ ១ គ្រាប់ (យកតែផ្នែកស)
ក្រូចឆ្មារ ១ ចំណិត
ទឹកឃ្មុំ ១ ស្លាបព្រាកាហ្វេ

វិធីធ្វើ

១. គោះពងមាន់ដាក់ចាន (យកតែផ្នែកពណ៌ស) រួចច្របាច់ក្រូចឆ្មារមួយចំណិតចូល និងបន្ថែមជាមួយទឹកឃ្មុំមួយស្លាបព្រាកាហ្វេ

២. កូរល្បាយឲ្យសព្វចូលគ្នា រហូតដល់មានឡើងពពុះ

រូបតំណាង

វិធីប្រើ

សម្រាប់វិធីប្រើ អ្នកអាចជ្រើសរើសវិធីណាមួយដែលអ្នកពេញចិត្ត ក្នុងចំណោមវិធីទាំង២ខាងក្រោម៖

វិធីទី១៖ ប្រើដៃលាបល្បាយ ឬ ម៉ាសនៅលើផ្ទៃមុខ រួចអប់ទុកឲ្យស្ងួតប្រមាណពី ១០ទៅ១៥នាទី សឹមលាងទឹកចេញ។
វិធីទី២៖ លាងមុខជាមួយទឹកក្ដៅអ៊ុនៗដើម្បីឲ្យមុខបើករន្ធញើសជាមុនសិន រួចយកក្រដាសជូតមាត់ផ្ដិតចូលម៉ាសឲ្យជោគ រួចយកមកបិទលើផ្ទៃមុខ និងទុកឲ្យស្ងួតប្រមាណពី ១០ទៅ១៥នាទី សឹមលាងទឹកចេញជាការស្រេច៕