កុំឆោតទៅសួរគេត្រង់! ត្រឹម៥យ៉ាងនេះច្បាស់ដូចថ្ងៃថាគេមិនចាត់ទុកអ្នកជាមនុស្សសំខាន់
- 2021-01-14 03:05:00
- ចំនួនមតិ 0 | ចំនួនចែករំលែក 0
កុំឆោតទៅសួរគេត្រង់! ត្រឹម៥យ៉ាងនេះច្បាស់ដូចថ្ងៃថាគេមិនចាត់ទុកអ្នកជាមនុស្សសំខាន់
អ្នកប្រាកដជាតែងដាក់សំនួរជាច្រើននៅក្នុងខួរក្បាលថា តើពេលនេះគាត់កំពុងមាននរណាផ្សេងដែរឬអត់ តើអ្នកកំពុងស្ថិតក្នុងជម្រើសជាច្រើនរបស់គាត់ឬយ៉ាងណា? ថ្ងៃនេះ កញ្ញា នឹងបង្ហាញសញ្ញា៥យ៉ាងរបស់បុរស នៅពេលគាត់មិនបានចាត់ទុកអ្នកជាមនុស្សសំខាន់។
១. តបសារយឺត ហើយឆ្លើយខ្លីៗ
ពេលផ្ញើរសាទៅ គាត់ចូលមើលសិន តែមិនទាន់ឆ្លើយតបភ្លាមៗ ហើយពេលខ្លះគាត់ថែមទាំងមិនចូលអានទៀត បើទោះគាត់កំពុងអនឡានក៏ដោយ។ ជួនកាល កំពុងនិយាយគ្នាសុខៗ គាត់ក៏បាត់ទៅណាមិនតបទៀត ដែលធ្វើឲ្យអ្នកត្រូវរង់ចាំគាត់យូរ រហូតត្រូវចូលមើលសារហ្នឹងច្រើនដង។ បើឧស្សាហ៍មានទម្លាប់បែបនេះអ្នកគួរជឿជាក់បានថា គាត់មិនមែនរវល់ឆាតតែជាមួយអ្នកឡើយ គឺគាត់នៅមានអ្នកផ្សេងទៀត។
២. គាត់កម្រប្រាប់រឿងរ៉ាវលម្អិត
រឿងមួយចំនួន គាត់និយាយឲ្យអ្នកស្តាប់តែបែរជាមិនលម្អិត មិនដឹងក្បាលកន្ទុយទៅវិញ។ ហើយបើតាំងពីជជែកគ្នាមក អ្នកមិនសូវដឹងពីបញ្ហាផ្ទាល់ខ្លួនរបស់គាត់ច្រើនទេ អាចបង្ហាញថាអ្នកមិនមែនជាមនុស្សនៅក្នុងបេះដូង ដែលគាត់ចង់ចែករំលែករឿងក្នុងចិត្តជាមួយនោះទេ។
៣. អ្នកអាចឃើញតែភាពរីករាយរបស់គាត់ប៉ុណ្ណោះ
គាត់ស្ទើរតែមិនចែករំលែកជាមួយអ្នកនូវរឿងលំបាកៗរបស់គាត់សោះ ដែលនេះមកពីអ្នកមិនមែនជាមនុស្សសំខាន់ ឬជាមនុស្សដែលគាត់មិនទាន់ទុកចិត្តក៏ថាបាន។
៤. រឿងដែលអ្នកធ្លាប់ប្រាប់គាត់ម្តងហើយ តែគាត់បែរជាមិនចាំ
រឿងមួយចំនួន អ្នកធ្លាប់ប្រាប់គាត់រួចហើយ តែគាត់វិញបែរជាភ្លេចហើយសួរដដែរទៀត ។ នេះគឺមកពីគាត់មិនបានខ្វល់ ឬយកចិត្តទុកដាក់ពីអ្នក។
៥. អ្នកកម្របានជួបមុខគាត់
ឲ្យតែពេលអ្នកនិយាយថាចង់ជួបគ្នា គាត់តែងតែគេចវេស។ ទោះជាពេលឆាតនោះ គាត់សន្យាថានឹងមកជួបអ្នកក៏ដោយ តែដល់ថ្ងៃដល់ពេល ក៏មិនឃើញ ហើយយកលេសថាភ្លេច។ នេះមានន័យថា គាត់គ្រាន់តែសន្យាឲ្យតែរួចពីមាត់ប៉ុណ្ណោះ ព្រោះតាមពិតគាត់មិនចង់មានទំនាក់ទំនងជ្រាលជ្រៅអ្វីជាមួយអ្នកនោះទេ៕