រុក្ខជាតិដែលអ្នកយល់ថាស្អាតជាងគេបំផុត នឹងប្រាប់ថាបេះដូងអ្នកកំពុងនឹកគិតពីនរណា

2021-01-13 07:53:00
ចំនួនមតិ 0 | ចំនួនចែករំលែក 0

តើស្លឹកឈើមួយណា ដែលអ្នកគិតថាស្រស់ស្អាតបំផុត? រួចជ្រើសចម្លើយ។

រុក្ខជាតិទី១

អ្នកមានចរិតលក្ខណៈហាក់ប្លែកពីគេ ព្រមទាំងមិនសូវចូលចិត្តដើរលេងច្រើនជាមួយមិត្តភក្កិឡើយ។ លើសពីនេះ អ្នកក៏មិនសូវខ្វល់ពីរូបសម្បត្តិខាងក្រៅរបស់ខ្លួនឯងខ្លាំងពេកដែរ ដែលហេតុផលនេះ ពេលខ្លះធ្វើឲ្យអ្នកបាត់ចំណាប់អារម្មណ៍ពីមនុស្សភេទផ្ទុយ។ ក្នុងចិត្តរបស់អ្នកហាក់ទទេស្អាត មិនទាន់មាននរណានៅក្នុងបេះដូងនៅឡើយ។

យ៉ាងណាក៏ដោយ អ្នកគួរបើកបេះដូង បើកចិត្តឲ្យទូលាយបន្តិច ព្រមទាំងផ្លាស់ប្តូរខ្លួនឯងនូវចំណុចមួយចំនួនដូចជា បន្ស៊ាំខ្លួនជាមួយមនុស្សជុំវិញក្នុងសង្គមខាងក្រៅ អានសៀវភៅឲ្យបានច្រើន ព្រមទាំងពង្រីកបណ្តាញទំនាក់ទំនង និងថែទាំរូបសម្រស់របស់ខ្លួនឡើងវិញ។

នៅពេលដែលអ្នកអាចកែប្រែនូវចំណុចទាំងនេះបាន អ្នកនឹងក្លាយជាមនុស្សថ្មីម្នាក់ដ៏អស្ចារ្យ។

រុក្ខជាតិទី២

អ្នកកំពុងរង់ចាំមនុស្សម្នាក់ ដែលស្រមៃជាយូរមកហើយ។ អ្នកប្រហែលមិននឹកស្មានទេថាមនុស្សដែលអ្នកតែងគេងនឹកគេទាំងយប់ទាំងថ្ងៃ គេក៏មានអារម្មណ៍ចូលចិត្តអ្នកវិញដែរ។ តាមពិតទៅ មនុស្សម្នាក់នោះគឺតែងតែនឹកគិតដល់អ្នកជានិច្ច។

អ្នកជាមនុស្សទន់ភ្លន់ ចេះគិតពិចារណា ចិត្តល្អ និងស្ងៀមស្ងាត់។ តើអ្នកមានដឹងទេ? អតីតសង្សាររបស់អ្នក គេស្រលាញ់អ្នកតាំងពីយូរមកហើយ តែគ្រាន់គាត់មិនពូកែក្នុងការបង្ហាញពីអារម្មណ៍ពិតចេញមកប៉ុណ្ណោះ។ ដូច្នេះ អ្នកចាំបាច់ត្រូវបង្ហាញអារម្មណ៍នេះជាមុនសិន។

កុំខ្មាសអៀន ហើយកុំស្ងៀមស្ងាត់មិនហ៊ានបង្ហាញវាចេញមក ព្រោះឱកាសនេះវាអាចនឹងបាត់បង់វិញ ។ ហេតុនេះ សម្រេចឬអត់ គឺអាស្រ័យលើការសម្រេចចិត្តរបស់អ្នកហើយ។

រុក្ខជាតិទី៣

ចិត្តរបស់អ្នក ហាក់ដិតដាមនឹងស្នេហាដំបូង ដែលពិបាកបំភ្លេច។ វាជាស្នេហាដែលពោរពេញដោយការឈឺចាប់ សោកស្តាយ ហើយបានធ្វើឲ្យអ្នកក្លាយជាមនុស្សសោកសង្រេងអស់រយៈពេលជាច្រើនឆ្នាំ។ អ្នកនៅតែគិតពីគេពីមួយថ្ងៃទៅមួយថ្ងៃ ហើយបានធ្វើឲ្យអ្នករៀនមេរៀនស្នេហាមួយចំនួន។ យ៉ាងណាក៏ដោយ អ្នកហាក់មិនទាន់រកឃើញអារម្មណ៍ស្រលាញ់នៅឡើយ ដែលនេះជាហេតុផលធ្វើឲ្យអ្នកមិនអាចបំភ្លេចស្នេហាដំបូងរបស់អ្នកបាន។

យ៉ាងណាក៏ដោយ សូមផ្តល់ពេលវេលាខ្លះសម្រាប់ខ្លួនឯង ដើម្បីជួសជុលចិត្តដែលខ្ទេចខ្ទាំខាងក្នុង ហើយក្នុងពេលជាមួយគ្នានេះ អ្នកនឹងអាចបំភ្លេចទំនាក់ទំនងចាស់នោះបានមិនខាន នាពេលអនាគត៕