រដូវរងាខ្លាចឡើងគីឡូ គួរមកដឹងតិចនិកបានរាងស្អាត ៥យ៉ាងទាំងនេះ

2021-01-13 03:55:00
ចំនួនមតិ 0 | ចំនួនចែករំលែក 0

រដូវរងា ធ្វើឲ្យម្នាក់ៗមានអារម្មណ៍ខ្ជិល មិនចង់ចេញក្រៅ ចង់គេងតែលើគ្រែ មើលរឿងជាដើម។ ដែលនេះ ធ្វើឲ្យមិត្តនារីជាច្រើនឆាប់ឡើងគីឡូលឿនបំផុត។ ហេតុនេះ អាចអនុវត្តវិធីខាងក្រោម ដើម្បីកុំឲ្យឡើងគីឡូពេក ក្នុងរដូវរងានេះ។

១. ញ៉ាំយឺតៗ ឲ្យឆ្អែតបានយូរ

អ្នកឡើងគីឡូដោយសារតែអ្នកពិបាកហាមមាត់ខ្លួនឯងពេក។ ដូច្នេះ ក្នុងរដូវរងាបែបនេះ អ្នកត្រូវរក្សាអាហារ៣ពេលក្នុងមួយថ្ងៃ ដោយមុនពេលញ៉ាំអាហារម្តងៗត្រូវផឹកទឹកជាមុនឲ្យបាន ៣០០ ml ។ លើសពីនេះ ត្រូវទំពារអាហារយឺតៗ និងចំណាយរយៈពេល២០នាទី ក្នុងការបញ្ចប់អាហារមួយពេលៗ។ ទម្លាប់នេះនឹងជួយអ្នកឲ្យញ៉ាំបានតិច តែឆ្អែត រយៈពេលយូរ។ ក្រៅពីនេះ អ្នកគួរចៀសវាងអាហារដែលមានជាតិស្ករខ្ពស់ ដោយងាកមកអាហារសុខភាពវិញដូចជាទឹកដោះគោជូ និងផ្លែឈើជាដើម។

២. បំភ្លេចអាហារមានកាឡូរីខ្ពស់ចោល

វិធីងាយស្រួលបំផុតដើម្បីស្រកគីឡូបាន គឺត្រូវគិតគូពីបរិមាណកាឡូរីក្នុងអាហារនីមួយៗ។ កាលណាបរិមាណការឡូរីក្នុងរាងកាយចុះទាប អ្នកនឹងស្គមដូចធម្មជាតិមិនខាន។ ដូច្នេះ ត្រូវងាកមកហូបអាហារដូចជា ត្រី ដំឡូង ស៊ុត … ជាដើម។

៣. ផឹកទឹកឲ្យបានច្រើន គេងឲ្យបានគ្រប់គ្រាន់

អំឡុងរដូវរងា ការផឹកទឹកឲ្យបានច្រើន និងគេងឲ្យបានគ្រប់គ្រាន់ គឺពិតជាជួយសម្រកគីឡូបានយ៉ាងមានប្រសិទ្ធភាព។ ការផឹកទឹកបានគ្រប់គ្រាន់ នឹងបង្កើនឲ្យការរំលាយអាហារ ព្រមទាំងពោះវៀនមានដំណើរការល្អ។ ចំណែកការគេងបានគ្រប់គ្រាន់វិញ កាន់តែជួយសម្រកគីឡូបានលឿនថែមទៀត។

៤. អនុវត្តទ្រឹស្តីសម្រកគីឡូ តាមបែប 168

ទ្រឹស្តី ១៦៨ ពិតជាមានប្រសិទ្ធភាពយ៉ាងប្រាកដលើការសម្រកគីឡូ និងងាយស្រួលធ្វើថែមទៀត។ ក្នុងនោះក៏មានតារាសិល្បៈវៀតណាមជាច្រើនអនុវត្តផងដែរ ដោយទ្រឹស្តី ១៦៨ មានន័យថា ត្រូវផឹកនិងញ៉ាំក្នុងរយៈពេល៨ម៉ោង។ គឺអ្នកត្រូវហូបអាហារពេលព្រឹកមុនម៉ោង៨ ញ៉ាំអាហារថ្ងៃត្រង់នៅម៉ោង១១ និងអាហារពេលល្ងាចមុនម៉ោង ៧។

៥. ហាត់ប្រាណ

ចំណាយពេលត្រឹម ៣០នាទីរាល់ថ្ងៃ ហាត់ប្រាណ ដើម្បីកាត់បន្ថយការញ៉ាំដែលលើសពីការគ្រប់គ្រង។ ប្រសិនបើអ្នកមិនដឹងពីរបៀបហាត់ប្រាណយ៉ាងណាទេ អាចចូលមើលតាម Youtube ពី Vloggers ផុសយ៉ាងច្រើន ដែលអ្នកអាចអនុវត្តតាមបាន៕

ប្រភព៖ emdep ប្រែសម្រួល៖ លឹម សុនា