Fan Bingbing បានចូលកម្មវិធីធំ តែមិនសូវមានអ្នកថតរូបជាមួយច្រើនដូចមុន

2021-01-11 04:06:05
ចំនួនមតិ 0 | ចំនួនចែករំលែក 0

កំពូលតារាសម្ដែងស្រីចិន Fan Bingbing កំពុងព្យាយាមវិលត្រលប់មកកាន់ពិភពសិល្បៈវិញ យ៉ាងណាក្ដី នៅក្នុងកម្មវិធីថ្មីនេះ នាងត្រូវបានគេរើសអើង។

បណ្ដាញព័ត៌មាន Sina បានឲ្យដឹងថា ទស្សនាវដ្ដីល្បីឈ្មោះ LifeStyle បានប្រព្រឹត្តកម្មវិធីប្រគល់ពានរង្វាន់ Style Gala ដោយមានការចូលរួមពីសំណាក់តារាលំដាប់ជួរមុខជាច្រើនដូចជា Zheng Shuang, Li Shen និង Lin Yun ជាដើម។ នៅក្នុងចំណោមនោះ តារាសម្ដែងស្រីល្បីឈ្មោះ Fan Bingbing ក៏ត្រូវបានអញ្ជើញដូចគ្នា។ នេះគឺជាកម្មវិធីទី១នៅដើមឆ្នាំ ដែលស្រីស្អាត អាយុ៣៩ត្រូវបានអញ្ជើញចូលរួម តែនាងមិនបានបង្ហាញមុខលើកម្រាលព្រំក្រហមឡើយ។

នៅក្នុងកម្មវិធីនេះ តួរឿងមហិច្ឆិតាអ៊ូម៉ីនាង ទទួលបានពាន២គឺ តួអង្គប្រចាំឆ្នាំ និងតារាដែលមានសកម្មភាពសប្បុរសធម៌លេចធ្លោ។

យ៉ាងណាក្ដី អ្វីដែលធ្វើឲ្យស្រីស្អាតរូបនេះ រងការខ្មាសអៀននោះគឺ នៅពេលទទួលពាន នាងចង់ថតរូបបែបស្និទ្ធិស្នាលនឹងអ្នកប្រគល់ តែត្រូវលោកថយក្រោយមួយជំហាន មិនចង់ស្និទ្ធិស្នាលនឹងនាង ហើយមានទឹកមុខមិនសូវញញឹមស្រស់។ QQ បានឲ្យដឹងថា សកម្មភាពមួយនេះបានធ្វើឲ្យនាងខ្មាសគេមិនតិចឡើយ។ បកស្រាយជាមួយបញ្ហានេះ មនុស្សជាច្រើនបានឲ្យដឹងថា ប្រហែលជាមិនចង់មានឈ្មោះពាក់ព័ន្ធនឹង តួរឿងព្រះនាងយេយេទើប អ្នកប្រគល់ពានថយក្រោយមួយជំហានបែបនេះ។