តើកន្លែងណាអ្នកចង់ទៅជាងគេ? នឹងបង្ហាញអ្វីដែលអ្នកកំពុងបាត់បង់ ហើយចង់បាននៅពេលនេះ
- 2021-01-08 08:00:00
- ចំនួនមតិ 0 | ចំនួនចែករំលែក 0
តើកន្លែងណាអ្នកចង់ទៅជាងគេ? នឹងបង្ហាញអ្វីដែលអ្នកកំពុងបាត់បង់ ហើយចង់បាននៅពេលនេះ
ស្តាប់តាមបេះដូងខ្លួនឯង ហើយគិតថាតើកន្លែងណាមួយ ដែលអ្នកចង់ទៅបំផុត។
រូបលេខ១
អ្នកត្រូវការទំនាក់ទំនង ការសន្ទនាដែលអាចបញ្ចេញពីអារម្មណ៍យ៉ាងជិតស្និទ្ធដល់គ្នាទៅវិញទៅមក។ លើសពីនេះ អ្នកត្រូវការទំនាក់ទំនងមួយដែលមានរយៈពេលវែងផងដែរ។ ដំណោះស្រាយ អ្នកគួរតែស្វែងរកមិត្តម្នាក់ បន្ទាប់មកជជែកឬ ចែករំលែកពីរឿងរ៉ាវខ្លះៗរបស់អ្នក មិនថាអតីត បច្ចុប្បន្ន ឬរឿងអនាគតនោះទេ។
រូបលេខ២
បង្ហាញថា អ្នកកំពុងត្រូវការភាពផ្លាស់ប្តូរមួយ។ ទាំងនោះអាចជា ស្ទីលសក់ ការស្លៀកពាក់ ឬការរៀបចំឡើងវិញនូវគ្រឿងសង្ហារឹមនៅក្នុងផ្ទះរបស់អ្នក ឬអ្នកអាចចំណាយពេលគិតគូឡើងវិញ ពីរឿងផ្លាស់ប្តូរការងារថ្មី។
រូបលេខ៣
អ្នកកំពុងស្មុគស្មាញខ្លាំង ហេតុនេះគួរតែដល់ពេលផ្លាស់ប្តូររសជាតិជីវិតដែលធ្លាប់តែគ្មានប្រយោជន៍បែបនេះចេញហើយ។ ដំណោះស្រាយ អ្នកគួរសាកទៅលេងតាមជនបទ ដើរលេងបែបផ្សងព្រេង ឬជិះសេះ បោះបាល់ ជិះបាឡុង … តែកុំប្រថុយនឹងអ្វីគ្រោះថ្នាក់ពេក។
រូបលេខ៤
អ្នកកំពុងត្រូវការភាពស្ងប់ស្ងាត់ ជីវិតសាមញ្ញៗ។ មើលទៅ អ្នកហាក់នឿយហត់ខ្លាំងណាស់មួយរយៈនេះ ហេតុនេះ អ្នកគួរសម្រាកលំហែចិត្តដោយទៅកន្លែងណាដែលស្ងាត់ ស្តាប់សម្លេងសត្វយំ ស្តាប់សម្លេងធម្មជាតិខ្លះក៏ល្អដែរ។
រូបលេខ៥
អ្នកត្រូវការសេរីភាព ព្រោះពេលនេះអ្នកយល់ថាខ្លួនកំពុងរស់នៅក្នុងស្ថានភាពជីវិតដ៏លំបាកមួយ។ ដំណោះស្រាយ អ្នកគួរតែឆ្លៀតពេលទំនេរបន្តិច ហើយទៅកន្លែងណាក៏បានដែលអ្នកប៉ងជាយូរមកហើយ។
រូបលេខ៦
អ្នកត្រូវការជីវិតមួយដ៏ធម្មតា មិនបាច់ម្តងឡើង ម្តងចុះអ៊ីចឹងទេ។ អ្នកកំពុងធុញថប់ណាស់នៅពេលនេះ តែយ៉ាងណាគួរផ្តល់ពេលវេលាសម្រាប់ខ្លួនឯង ហើយបង្កើតឲ្យវាក្លាយជាទម្លាប់និងសាកល្បងធ្វើវាចុះ។
រូបលេខ៧
អ្នកមានក្តីសុបិនមួយ ព្រមទាំងក្តីសង្ឃឹមយ៉ាងច្បាស់លាស់។ ហេតុនេះ អ្នកគ្រាន់តែចង់ឲ្យរឿងរ៉ាវខ្លះកុំដើរលឿនជ្រុលពេក ព្រោះអ្នកត្រូវការពេលវេលាដើម្បីរង់ចាំ ក្នុងការសម្រេចគោលដៅតាមក្តីស្រមៃរបស់អ្នក។
រូបលេខ៨
អ្នកចង់បានពេលវេលាវិស្សមកាលមួយ អ្នកចង់ទៅទីកន្លែងណាដែលអាចផ្តល់ឲ្យអ្នកនូវភាពសប្បាយរីករាយ គ្មានការបារម្ភនៅក្នុងចិត្ត។ អ្នកចង់ឲ្យពេលត្រលប់មក អ្នកនឹងមានថាមពលផ្លូវចិត្តឡើងវិញ៕