ចង់​ធាត់​ ឬ​ស្គម​ Park Bom នៅ​តែ​មិន​ខ្វល់ ព្រោះ​ជើង​នៅ​តែ​ស្រឡូន​ស្អាត​ដូច​ម៉ូដែល

  • 2021-01-06 07:30:00
  • ចំនួនមតិ 4 | ចំនួនចែករំលែក 8

ក្រោយ​ពេល​សម្រក​គីឡូ​បាន​ជាង​១០​គីឡូ អ្នក​គាំទ្រ​របស់​តារា​ចម្រៀង​ស្រី​ល្បី​ឈ្មោះ​កូរ៉េ Park Bom បាន​រក​ឃើញ​ថា ទោះ​បី​ជា​ពេល​ស្គម ឬ​ធាត់ ជើង​របស់​ស្រី​ស្អាត​រូប​នេះ​នៅ​តែ​ស្រឡូន​គួរ​ឲ្យ​ច្រណែន។

ក្រោយ​ពេល​ក្រុម​ចម្រៀងកូរ៉េ 2NE1 ត្រូវ​បាន​រំសាយ តារា​ចម្រៀង​ស្រី Park Bom តែង​តែ​ទទួល​បាន​ការ​ចាប់​អារម្មណ៍​ជា​និច្ច ដោយ​មិន​មែន​ដោយ​សារ​ត្រឹម​តែ​សមិទ្ធិផល​របស់​នាង​ឡើយ ដោយ​រឿង​សម្រស់​ឡើង​ចុះ​របស់​នាង​ក៏​ទទួល​បាន​ការ​ចាប់​អារម្មណ៍​មិន​ស្ទើ​ឡើយ។ ដោយ​មនុស្ស​មួយ​ចំនួន​បាន​លើក​ឡើង​ថា ម្ចាស់​បទ You and I បាន​ឆ្លង​កាត់​មុខ​កាំបិត​ជា​ដើម។

ជាក់​ស្ដែង មុន​នេះ​បន្តិច ក្រុមការងារ​របស់​ស្រី​ស្អាត ៣៦​ឆ្នាំ បាន​បង្ហើប​ឲ្យ​ដឹង​ថា នាង​ទើប​តែ​សម្រក​ទម្ងន់​បាន ១១​គីឡូ​ ដោយ​ចុះ​ពី ៧០​គីឡូ ចុះ​សល់​ត្រឹម​តែ ៥៩​គីឡូ​ប៉ុណ្ណោះ​​ ដែល​ធ្វើ​ឲ្យ​ Park Bom មើល​ទៅ​ក្មេង និង​ស្រស់​ស្អាត​ជាង​មុន​បន្ថែម​ទៀត។

យ៉ាងណាក្ដី អ្នក​គាំទ្រ​របស់​អតីត​សមាជិក 2NE1 បាន​សង្កេត​ឃើញ​ថា ទោះ​បី​ជា​ពេល​ធាត់​ ឬ​ស្គម​ក្ដី សិល្បការិនី​រូប​នេះ​នៅ​តែ​វែង​ស្រឡូន​ស្អាត​ មិន​ចាញ់​ម៉ូដែល​នោះ​ទេ។ តាម​នោះ​ដែរ នៅ​ពេល​ទើប​ង្ហាញ​មុខ ដែល​ពេល​នោះ​នាង​រាង​ស្គម​នោះ ក៏​មាន​ជើង​ស្រឡូន​ស្អាត ហើយ​កាល​ពី​ឆ្នាំ​មុន​ដែល​ពេល​នាង​មាន​ទម្ងន់​៧០​គីឡូ​នោះ ក៏​នាងនៅ​តែ​មាន​ជើង​ស្រឡូន​មិន​ធម្មតា ដែល​មនុស្ស​ជា​អត់​នឹង​សរសើរ​មិនបាន​ថា​ ពិត​ជា​មិន​ងាយ​រក​បាន​ឡើយ៕

ប្រភព៖ Kenh14 ប្រែ​សម្រួល៖ Caramel